| e-texts navigator |
| Wylie |
98b1 བོ་ཡོངས་སུ་གྲུབ་པ་གང་ཡང་མེད་པའི་ཕྱིར། ཐ་སྙད་འདི་དག་ཐམས་ཅད་ནི་ཡང་དག་པ་མ་ཡིན་པ་སྟེ། དེ་ལ་ངོ་བོ་ཉིད་གང་ཡང་མེད་དོ།། རབ་ཀྱི་རྩལ་གྱིས་རྣམ་པར་གནོན་པ།
98b2 ཆོས་ཐམས་ཅད་ནི་ཡང་དག་པ་མ་ཡིན་པ། མ་བྱུང་བ་སྟེ། དངོས་པོ་མེད་པའི་རང་བཞིན་ནོ།། དེ་ཅིའི་ཕྱིར་ཞེ་ན། ཕྱིན་ཅི་ལོག་གང་ཡིན་པ་དེ་ནི་ཡང་དག་པ་མ་ཡིན་པ་སྟེ། ཆོས
98b3 ཐམས་ཅད་ནི་ཕྱིན་ཅི་ལོག་ལས་བྱུང་བའི་ཕྱིར་རོ། ། ཕྱིན་ཅི་ལོག་གང་ཡིན་པ་དེ་ཡང་དག་པ་མ་ཡིན་པའོ།། རབ་ཀྱི་རྩལ་གྱིས་རྣམ་པར་གནོན་པ། ཆོས་ཐམས་ཅད་ནི་དངོས་པོ་མེད
98b4 པ་སྟེ། རང་བཞིན་མེད་པའི་ཕྱིར་དངོས་པོ་མི་དམིགས་སོ།། རབ་ཀྱི་རྩལ་གྱིས་རྣམ་པར་གནོན་པ། དངོས་པོ་མེད་པ་ཞེས་བྱ་བ་དེ་ནི་ཡང་དག་པ་མ་ཡིན་ཞིང་མ་བྱུང་བ་སྟེ
98b5 དེའི་ཕྱིར་དངོས་པོ་མེད་པ་ཞེས་བྱའོ། ། རབ་ཀྱི་རྩལ་གྱིས་རྣམ་པར་གནོན་པ། དངོས་པོ་མེད་པ་ཞེས་བྱ་བ་འདི་ནི་མེད་པ་ཡོངས་སུ་བསྟན་པའོ།། གང་ལ་དངོས་པོ་མེད་པ་དེ་ལ་བསྒོམ
98b6 པའང་མེད། མི་བསྒོམ་པའོང་མེད་དོ།། རབ་ཀྱི་རྩལ་གྱིས་རྣམ་པར་གནོན་པ། སེམས་ཅན་རྣམས་ནི་ཕྱིན་ཅི་ལོག་ལས་བྱུང་བས་སྒོམ་པར་ཡང་བྱེད། མི་སྒོམ་པར་ཡང
98b7 བྱེད་དེ། དེ་ལ་དངོས་པོ་ཅིའང་མེད་དོ།། དེ་ཅིའི་ཕྱིར་ཞེ་ན། རབ་ཀྱི་རྩལ་གྱིས་རྣམ་པར་གནོན་པ། ཆོས་ཐམས་ཅད་ནི་དངོས་པོ་མེད་པའི་ཕྱིར་རོ།། དངོས་པོ་མེད་པའི་རང
iiif viewer powered by OpenSeadragon
