| e-texts navigator |
| Wylie |
96a1 ཀྱི་དབང་གིས་མྱུར་དུ་མི་འཇིགས་པ་བཞི་ཐོབ་པར་འགྱུར་རོ། ། རབ་ཀྱི་རྩལ་གྱིས་རྣམ་པར་གནོན་པ། ཉན་ཐོས་ཀྱི་ཐེག་པ་ཅན་རྣམས་དང་། རང་སངས་རྒྱས
96a2 ཀྱི་ཐེག་པ་ཅན་རྣམས་ལ་མི་འཇིགས་པ་བཞི་མེད་དེ། དེ་དག་ལ་དེ་བཞིན་གཤེགས་པའང་མི་འཇིགས་པ་བཞི་བྱིན་གྱིས་མི་རློབ་བོ།། རབ་ཀྱི་རྩལ་གྱིས་རྣམ་པར་གནོན་པ། སྨོན
96a3 ལམ་གྱི་དབང་གིས་གང་གིས་མི་འཇིགས་པ་བཞི་འཐོབ་པར་འགྱུར་བ་དེ་ནི་བྱང་ཆུབ་སེམས་དཔའི་སའོ། ། དེ་ཅིའི་ཕྱིར་ཞེ་ན། རབ་ཀྱི་རྩལ་གྱིས་རྣམ་པར་གནོན་པ། ཤེས་རབ་ཀྱི
96a4 ཕ་རོལ་ཏུ་ཕྱིན་པ་ལ་སྤྱོད་པའི་བྱང་ཆུབ་སེམས་དཔའ་དག་ནི། སོ་སོ་ཡང་དག་པར་རིག་པ་བཞི་ཐོབ་པར་འགྱུར་བའི་ཕྱིར་ཏེ། བཞི་གང་ཞེ་ན། འདི་ལྟ་སྟེ། དོན་སོ་སོ་ཡང
96a5 དག་པར་རིག་པ་དང་། ཆོས་སོ་སོ་ཡང་དག་པར་རིག་པ་དང་། ངེས་པའི་ཚིག་སོ་སོ་ཡང་དག་པར་རིག་པ་དང་། སྤོབས་པ་སོ་སོ་ཡང་དག་པར་རིག་པའོ།། སོ་སོ་ཡང་དག་པར
96a6 རིག་པ་འདི་བཞི་དང་ལྡན་པ་དེ་དག་མངོན་པར་རྫོགས་པར་སངས་རྒྱས་ཀྱང་། སྨོན་ལམ་གྱི་དབང་གིས་མི་འཇིགས་པ་བཞི་རབ་ཏུ་འཛིན་ཏོ།། དེ་བཞིན་གཤེགས་པས་ཀྱང་།
96a7 དེ་དག་དགེ་བའི་རྩ་བ་དང་ལྡན་པར་མཁྱེན། ཤེས་རབ་ཀྱི་ཕ་རོལ་ཏུ་ཕྱིན་པའི་སའང་རྗེས་སུ་ཐོབ་པར་མཁྱེན་ནས། མི་འཇིགས་པ་བཞི་བྱིན་གྱིས་རློབ་བོ།། རབ་ཀྱི་རྩལ
iiif viewer powered by OpenSeadragon
