| e-texts navigator |
| Wylie |
92b1 བྱང་ཆུབ་སེམས་དཔའི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་འདི་བསམ་གྱིས་མི་ཁྱབ་བོ།། དེ་ཅིའི་ཕྱིར་ཞེ་ན། རབ་ཀྱི་རྩལ་གྱིས་རྣམ་པར་གནོན་པ། བྱང་ཆུབ་སེམས་དཔའི་ཤེས
92b2 རབ་ཀྱི་ཕ་རོལ་ཏུ་ཕྱིན་པ་ནི། སེམས་བསྐྱེད་པ་མ་ཡིན་པའི་ཕྱིར་ཏེ། དེའི་ཕྱིར་བསམ་གྱིས་མི་ཁྱབ་པ་ཞེས་བྱའོ།། རབ་ཀྱི་རྩལ་གྱིས་རྣམ་པར་གནོན་པ། སེམས་བསྐྱེད་ཅེས་བྱ
92b3 བ་དེ་ནི་ཕྱིན་ཅི་ལོག་གོ། ། རབ་ཀྱི་རྩལ་གྱིས་རྣམ་པར་གནོན་པ། སེམས་ཤེས་བྱ་བ་དེ་ནི་སེམས་རབ་ཏུ་རྟོགས་པའོ།། རབ་ཀྱི་རྩལ་གྱིས་རྣམ་པར་གནོན་པ། སེམས་ཀྱི་རང་བཞིན
92b4 གང་ཡིན་པ་དེ་སྐྱེ་བ་དང་འབྱུང་བ་མེད་དོ། ། རབ་ཀྱི་རྩལ་གྱིས་རྣམ་པར་གནོན་པ། ཕྱིན་ཅི་ལོག་དང་ལྡན་པ་ནི་སེམས་སྐྱེ་སྟེ། དེ་ལ་སེམས་ཀྱང་སྒྲིབ་པ་མེད་ལ། ཕྱིན་ཅི་ལོག
92b5 གང་གིས་བསྐྱེད་པ་དེའང་སྒྲིབ་པ་མེད་པ་ཡིན་ནོ། ། རབ་ཀྱི་རྩལ་གྱིས་རྣམ་པར་གནོན་པ། བྱིས་པ་སོ་སོའི་སྐྱེ་བོ་རྣམས་ནི་སྒྲིབ་པ་མེད་པ་དང་། གང་དུ་སྐྱེ་བ་དེའང་སྒྲིབ་པ་མེད་པ་དང་།
92b6 གང་གིས་བསྐྱོད་པ་དེའང་སྒྲིབ་པ་མེད་པར་མི་ཤེས་སོ།། དེ་དག་ནི་སེམས་དབེན་པར་མི་ཤེས་ཤིང་། དམིགས་པ་དབེན་པར་མི་ཤེས་པས་བདག་སེམས། བདག་གི་སེམས།།
92b7 འདིའི་སེམས། འདི་ལས་སེམས་ཤེས་མངོན་པར་བཞེན་ཏོ།། དེ་དག་སེམས་ལ་མངོན་པར་བཞེན་པས། དགེ་བ་ཞེས་མངོན་པར་ཞེན། སྒྲིབ་པ་ཞེས་མངོན་པར་ཞེན།
iiif viewer powered by OpenSeadragon
