| e-texts navigator |
| Wylie |
90a1 སྤྲོས་པ་དང་། སྲེད་པར་གཏོགས་པར་ཤེས་ནས། མི་ཤེས་པ་ཐམས་ཅད་ཡང་དག་པར་གཞོམ་པའི་ཕྱིར། ཅི་ལའང་རློམ་སེམས་སུ་མི་བྱེད་དོ།། རློམ
90a2 སེམས་སུ་མི་བྱེད་པས། གང་ལའང་མི་སྦྱོར་རོ།། དེ་དག་གནས་མེད་ཅིང་། འདུ་བའང་མེད། འབྲལ་བའང་མེད་པས། ཅིའང་ལྡན་པར་ཡང་མི་བྱེད་དོ།། རབ་ཀྱི་རྩལ
90a3 གྱིས་རྣམ་པར་གནོན་པ། འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་རློམ་སེམས་ཐམས་ཅད་ཡང་དག་པར་འཇོམས་པའོ།།
90a4 རབ་ཀྱི་རྩལ་གྱིས་རྣམ་པར་གནོན་པ། གཞན་ཡང་བྱང་ཆུབ་སེམས་དཔའ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་དེ་ལྟར་སྤྱོད་པ་ནི་གཟུགས་རྟག་ཅེའམ། མི་རྟག་ཅེས་མི་སྤྱོད་དོ།།
90a5 གཟུགས་ལ་སྟོང་ཞེ་འམ། མི་སྟོང་ཞེས་མི་སྤྱོད་དོ།། གཟུགས་ལ་སྒྱུ་མ་ལྟ་བུ་ཞེས་མི་སྤྱོད་དོ།། གཟུགས་ལ་རྨི་ལམ་ལྟ་བུ་ཞེས་མི་སྤྱོད་དོ།། གཟུགས་ལ་མིག་ཡོར་ལྟ་བུ་ཞེས་མི
90a6 སྤྱོད་དོ། ། གཟུགས་ལ་བྲག་ཆ་ལྟ་བུ་ཞེས་མི་སྤྱོད་དོ།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་རྟག་ཅེ་འམ། མི་རྟག་ཅེས
90a7 མི་སྤྱོད་དོ། ། རྣམ་པར་ཤེས་པ་ལ་སྟོང་ཞེ་འམོ། མི་སྟོང་ཞེས་མི་སྤྱོད་དོ།། རྣམ་པར་ཤེས་པ་ལ་སྒྱུ་མ་ལྟ་བུ་ཞེས་མི་སྤྱོད་དོ།། རྣམ་པར་ཤེས་པ་ལ་རྨི་ལམ་ལྟ་བུ་ཞེས་མི་སྤྱོད་དོ།།
iiif viewer powered by OpenSeadragon
