| e-texts navigator |
| Wylie |
8a1 རབ་ཅེས་བྱ་བ་འདི་ནི་ཆོས་ཐམས་ཅད་ཀུན་ཏུ་ཤེས་པ། འདི་ནི་ཆོས་ཐམས་ཅད་ཀུན་ཏུ་རིག་པ་སྟེ། དེའི་ཕྱིར་ཤེས་རབ་ཅེས་བྱའོ།། རབ་ཀྱི་རྩལ་གྱིས་རྣམ་པར
8a2 གནོན་པ། ཆོས་ཐམས་ཅད་ཀུན་ཏུ་རིག་པ་གང་ཞེ་ན། ཆོས་འདི་དག་ཐམས་ཅད་ནི་རྣམ་པ་གཞན་ན། ཆོས་ཐམས་ཅད་རྣམ་པ་གཞན་དུ་བརྗོད་དེ། ཆོས་ཐམས་ཅད་ནི་བརྗོད་པ
8a3 ལས་རྣམ་པར་གྲོལ་བ་མ་ཡིན་ནོ། ། གང་ཆོས་ཐམས་ཅད་ཀུན་ཏུ་ཤེས་པ་དང་། གང་ཆོས་ཐམས་ཅད་ཀུན་ཏུ་རིག་པ་དེའང་ཚིག་གིས་བརྗོད་པར་མི་ནུས་མོད་ཀྱི། འོན་ཀྱང་ཇི་ལྟར
8a4 སེམས་ཅན་རྣམས་ཀྱིས་ཤེས་པར་གྱུར་པ་དེ་ལྟར་ཤེས་རབ་ཅེས་བྱའོ། ། འདི་ནི་བཏགས་པ་ཞེས་བྱ་སྟེ། དེའི་ཕྱིར་ཤེས་རབ་ཅེས་བྱའོ།། རབ་ཀྱི་རྩལ་གྱིས་རྣམ་པར་གནོན་པ
8a5 ཆོས་ཐམས་ཅད་ནི་གདགས་སུ་མེད། གཟུང་དུ་མེད། བཤད་དུ་མེད། སྣང་བ་མེད་དེ། དེ་ལྟ་བུར་ཀུན་ཏུ་རིག་པ་དེ་ནི་ཀུན་ཏུ་རིག་པ་ཞེས་བྱའོ།། རབ་ཀྱི་རྩལ་གྱིས་རྣམ་པར་གནོན
8a6 པ་ཤེས་རབ་ཅེས་བྱ་བ་དེ་ནི་ཤེས་པའང་མ་ཡིན། ཀུན་ཏུ་མི་ཤེས་པའང་མ་ཡིན། དེ་ལས་ཀྱང་མ་ཡིན། དེ་ལས་མ་ཡིན་པའང་མ་ཡིན་ཏེ། དེའི་ཕྱིར་ཤེས་རབ་ཅེས་བྱའོ།།
8a7 རབ་ཀྱི་རྩལ་གྱིས་རྣམ་པར་གནོན་པ། དེ་ནི་མི་ཤེས་པའི་སྤྱོད་ཡུལ་ཡང་མ་ཡིན། ཡེ་ཤེས་ཀྱི་སྤྱོད་ཡུལ་ཡང་མ་ཡིན། མི་ཤེས་པའི་ཡུལ་ཡང་མ་ཡིན། ཡེ་ཤེས་ཀྱི་ཡུལ་ཡང
iiif viewer powered by OpenSeadragon
