| e-texts navigator |
| Wylie |
88a1 མཁྱེན་པའི་དམིགས་པ་རང་བཞིན་གྱིས་ཡོངས་སུ་དག་པར་ཤེས་པའི་ཕྱིར་རོ། ། རབ་ཀྱི་རྩལ་གྱིས་རྣམ་པར་གནོན་པ། དེ་ལྟར་སྤྱོད་པའི་བྱང་ཆུབ་སེམས་དཔའ་ནི།།
88a2 ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དེ། དེ་ནི་དམིགས་པ་རྣམ་པར་དག་པ་གང་ལའང་མི་སྤྱོད་དོ།། དེ་ཅིའི་ཕྱིར་ཞེ་ན། དམིགས་པ་ཐམས་ཅད་རང་བཞིན་གྱིས་ཡོངས་སུ་རྣམ་པར
88a3 དག་པའི་ཕྱིར་རོ། ། རབ་ཀྱི་རྩལ་གྱིས་རྣམ་པར་གནོན་པ། འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་དམིགས་པ་ཐམས་ཅད་རང་བཞིན་གྱིས་ཡོངས་སུ་དག་པ་ཤེས་རབ་ཀྱི་ཕ
88a4 རོལ་ཏུ་ཕྱིན་པ་ལ་སྤྱོད་པའོ། ། རབ་ཀྱི་རྩལ་གྱིས་རྣམ་པར་གནོན་པ། དེ་ལྟར་སྤྱོད་པའི་བྱང་ཆུབ་སེམས་དཔས། འདི་ནི་གཟུགས་སོ་ཞེས་ཡང་དག་པར་རྗེས་སུ་མི་མཐོང་། འདིས
88a5 གཟུགས་ཤེས་ཡང་དག་པར་རྗེས་སུ་མི་མཐོང་། འདིའི་གཟུགས་ཤེས་ཡང་དག་པར་རྗེས་སུ་མི་མཐོང་། འདི་ལས་གཟུགས་ཤེས་ཡང་དག་པར་རྗེས་སུ་མི་མཐོང་སྟེ། དེ་དེ
88a6 ལྟར་གཟུགས་ཡང་དག་པར་རྗེས་སུ་མི་མཐོང་བས། གཟུགས་མི་འདེག། མི་འཇོག། གཟུགས་མི་སྐྱེད། མི་འགོག། གཟུགས་ལ་མི་སྤྱོད། རྣམ་པར་མི་སྤྱོད་དོ།།
88a7 གཟུགས་ཀྱི་དམིགས་པ་ལ་མི་སྤྱོད། རྣམ་པར་མི་སྤྱོད་།། རབ་ཀྱི་རྩལ་གྱིས་རྣམ་པར་གནོན་པ། དེ་ལྟར་སྤྱོད་པའི་བྱང་ཆུབ་སེམས་དཔས། འདི་ནི་ཚོར་བའོ།། འདུ
iiif viewer powered by OpenSeadragon
