| e-texts navigator |
| Wylie |
81b1 ནི་བྱང་ཆུབ་སེམས་དཔའི་སྤྱོད་པ་ཞེས་བྱའོ། ། རབ་ཀྱི་རྩལ་གྱིས་རྣམ་པར་གནོན་པ། བྱང་ཆུབ་སེམས་དཔའ་མིང་དང་གཟུགས་ཀྱི་དམིགས་པ་ལ་སྤྱོད་ན། ཤེས་རབ་ཀྱི་ཕ་རོལ་ཏུ་ཕྱིན
81b2 བཔ་ལ་སྤྱོད་པ་མ་ཡིན་ནོ། ། དེ་ཅིའི་ཕྱིར་ཞེ་ན། དེས་དམིགས་པ་ཐམས་ཅད་དམིགས་སུ་མེད་པའི་རྣམ་པར་མཐོང་བའི་ཕྱིར་རོ།། གང་གིས་དམིགས་པ་ཐམས་ཅད་དམིགས་པ་མེད་པར
81b3 ཁོང་དུ་ཆུད་པ་དེ་ནི། དམིགས་པ་གང་ལའང་མི་སྤྱོད་དེ། དེའི་ཕྱིར་སྤྱོད་པ་མེད་པ་ནི་བྱང་ཆུབ་སེམས་དཔའི་སྤྱོད་པ་ཞེས་བྱའོ།། རབ་ཀྱི་རྩལ་གྱིས་རྣམ་པར་གནོན་པ། བྱང་ཆུབ
81b4 སེམས་དཔའ་སེམས་དཔའ་ཆེན་པོ་དག། སེམས་ཅན་དང་བདག་གི་དམིགས་པ་ལ་སྤྱོད་ན། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་མ་ཡིན་ནོ།། དེ་ཅིའི་ཕྱིར་ཞེ་ན། དེ་དག
81b5 གིས་སེམས་ཅན་དུ་འདུ་ཤེས་པ་དང་། བདག་ཏུ་འདུ་ཤེས་པ་དེ་ཡང་དག་པ་མ་ཡིན་པར་ཤེས་པའི་ཕྱིར་རོ།། གང་གིས་སེམས་ཅན་དུ་འདུ་ཤེས་པ་དང་། བདག་ཏུ་འདུ་ཤེས་པ་ཡང
81b6 དག་པ་མ་ཡིན་པར་ཤེས་པ་དེ་སྤྱད་པ་གང་ལ་མི་སྤྱོད་དོ། ། གང་སྤྱད་པ་གང་ལའང་མི་སྤྱོད་པ་དེ་སྤྱོད་པ་མེད་པ་སྟེ། དེའི་ཕྱིར་སྤྱོད་པ་མེད་པ་ནི་བྱང་ཆུབ་སེམས་དཔའི་སྤྱོད་པ་ཞེས་བྱའོ།།
81b7 རབ་ཀྱི་རྩལ་གྱིས་རྣམ་པར་གནོན་པ། བྱང་ཆུབ་སེམས་དཔའ་སྲོག་ཏུ་འདུ་ཤེས་པ་དང་། གསོ་བ་དང་། སྐྱེས་བུ་དང་། གང་ཟག་དང་། ཤེད་ལས་སྐྱེས་པ་དང་།
iiif viewer powered by OpenSeadragon
