| e-texts navigator |
| Wylie |
80b1 ། དེས། ཆོས་ཐམས་ཅད་ཕྱིན་ཅི་ལོག་མ་ཡིན་པར་ཁོང་དུ་ཆུད་དོ།། གང་ཕྱིན་ཅི་ལོག་མེད་པར་ཁོང་དུ་ཆུད་པ་དེ་ལ། ཕྱིན་ཅི་ལོག་གང་ཡང་མི་འབྱུང་ངོ་།། གང་ལ་ཕྱིན་ཅི་ལོག་གང
80b2 ཡང་མེད་པ་དེ་ལ་སྤྱོད་པ་གང་ཡང་མེད་དོ། ། རབ་ཀྱི་རྩལ་གྱིས་རྣམ་པར་གནོན་པ། སྤྱོད་པ་ཐམས་ཅད་ནི་སྤྱོད་པ་ལས་བྱུང་བ་དང་། སྤྱོད་པ་ལ་རྣམ་པར་རྟོག་པས་ཕྱིན་ཅི་ལོག་གོ།
80b3 བྱང་ཆུབ་སེམས་དཔའ་ནི་སྤྱོད་པ་ལ་རྣམ་པར་མི་རྟོག་སྟེ། དེའི་ཕྱིར་དེ་ཕྱིན་ཅི་ལོག་མེད་པར་གནས་པ་ཞེས་བྱའོ།། གང་ཕྱིན་ཅི་ལོག་མེད་པ་དེ་ནི་ཕྱིར་གང་ལའང་མི་སྤྱོད་དེ། དེའི་ཕྱིར
80b4 སྤྱོད་པ་མེད་པ་ནི་བྱང་ཆུབ་སེམས་དཔའི་སྤྱོད་པ་ཞེས་བྱའོ། ། རབ་ཀྱི་རྩལ་གྱིས་རྣམ་པར་གནོན་པ། སྤྱོད་པ་མེད་པ་ཞེས་བྱ་བ་ནི། ཆོས་གང་ལའང་མི་སྤྱོད། རྣམ་པར་མི་སྤྱོད
80b5 ཅིང་། སྤྱོད་པའི་མཚན་ཉིད་མི་སྟོན་པའོ།། དེ་ནི་བྱང་ཆུབ་སེམས་དཔའི་སྤྱོད་པ་ཞེས་བྱ་སྟེ། གང་འདི་ལྟ་བུར་སྤྱོད་པ་དེ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའོ།། རབ
80b6 ཀྱི་རྩལ་གྱིས་རྣམ་པར་གནོན་པ། བྱང་ཆུབ་སེམས་དཔའ་གཟུགས་ཀྱི་དམིགས་པ་ལ་སྤྱོད་ན། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་མ་ཡིན་ནོ།། ཚོར་བ་དང་། འདུ་ཤེས
80b7 དང་། འདུ་བྱེད་རྣམས་དང་། རྣམ་པར་ཤེས་པའི་དམིགས་པ་ལ་སྤྱོད་ན། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་མ་ཡིན་ནོ།། དེ་ཅིའི་ཕྱིར་ཞེ་ན། དེས་དམིགས་པ
iiif viewer powered by OpenSeadragon
