| e-texts navigator |
| Wylie |
80a1 མེད་པ་ཞིག་ཡོད་ན་ནི་དེ་དམིགས་པར་འགྱུར་ཏེ། དེ་བསྒོམ་པ་མེད་པར་འགྱུར་རོ།། རབ་ཀྱི་རྩལ་གྱིས་རྣམ་པར་གནོན་པ། བསྒོམ་པ་མེད་པ་ཞེས་བྱ་བ་ནི།།
80a2 དེ་བསྒོམ་པ་དང་བྲལ་བས་བསྒོམ་པ་མེད་པ་སྟེ། འདི་དངོས་པོ་དང་བྲལ་བས། དེའི་ཕྱིར་བསྒོམ་པ་མེད་པ་ཞེས་བྱ་སྟེ། ཇི་སྐད་དུ་བརྗོད་པ་དེ་བཞིན་དུ་ནི་མ་ཡིན་ནོ།། དེ་ཅིའི་ཕྱིར
80a3 ཞེ་ན། བསྒོམ་པ་མེད་པ་འདི་ནི་བརྗོད་དུ་མེད་པའོ།། བསྒོམ་པ་མེད་པ་འདི་ནི་བྲལ་བའོ།། བྲལ་བ་གང་ཞེ་ན། གང་ཕྱིན་ཅི་ལོག་ཀུན་ནས་མི་ལྡང་བ་དང་། གང་ཡང་དག་པ
80a4 མ་ཡིན་པ་ཀུན་ནས་མི་ལྡང་བའོ། ། རབ་ཀྱི་རྩལ་གྱིས་རྣམ་པར་གནོན་པ། ཕྱིན་ཅི་ལོག་གིས་ཕྱིན་ཅི་ལོག་ཀུན་ནས་མི་སློང་སྟེ། ཕྱིན་ཅི་ལོག་གི་ཀུན་ནས་ལངས་པ་ཉིད་མ་ཡིན་ནོ།།
80a5 དེ་ལ་ཀུན་ནས་སློང་བ་ཅིའང་མེད་དོ།། གལ་ཏེ་དེ་ལ་སློང་བ་འགའ་ཞིག་ཡོད་ན་ནི། དེ་གང་ཡང་བརྗོད་ན་འདི་ལྟར་ཡང་དག་པ་མ་ཡིན་པ་ལས་བྱུང་བ་དེའི་ཕྱིར་ཕྱིན་ཅི་ལོག་ཅེས་བྱའོ།།
80a6 རབ་ཀྱི་རྩལ་གྱིས་རྣམ་པར་གནོན་པ། བྱང་ཆུབ་སེམས་དཔས་ནི་ཆོས་ཐམས་ཅད་ཕྱིན་ཅི་ལོག་མེད་པར་ཁོངས་སུ་ཆུད་དོ།། དེ་ཅིའི་ཕྱིར་ཞེ་ན། དེས་ཕྱིན་ཅི་ལོག་ནི་ཡང་དག་པ
80a7 མ་ཡིན་པར་ཤེས་པའི་ཕྱིར་རོ། ། ཕྱིན་ཅི་ལོག་ལ་ནི་ཕྱིན་ཅི་ལོག་མེད་དེ། གང་གིས་ཕྱིན་ཅི་ལོག་ཡང་དག་པ་མ་ཡིན་པ་དང་། ཕྱིན་ཅི་ལོག་ལ་ཕྱིན་ཅི་ལོག་མེད་པར་ཤེས་པ
iiif viewer powered by OpenSeadragon
