| e-texts navigator |
| Wylie |
79b1 དབུས་ལ་ནི་སྤྱོད་པ་བསྟན་པ་འམ། ངེས་པར་བསྟན་པ་གང་ཡང་མེད་དོ།། རབ་ཀྱི་རྩལ་གྱིས་རྣམ་པར་གནོན་པ། དབུས་ཤེས་བྱ་བ་དེ་ནི་འཕགས་པའི་ལམ་ཡན་ལག་བརྒྱད་པའི་ཚིག་།
79b2 དགས་སོ།། རབ་ཀྱི་རྩལ་གྱིས་རྣམ་པར་གནོན་པ། འཕགས་པའི་ལམ་ཡན་ལག་བརྒྱད་པ་ནི་ཆོས་གང་དམིགས་པ་དང་། ཆོས་གང་མཐོང་བའི་ཕྱིར་ཉེ་བར་གནས་པ་མ་ཡིན་ནོ།།
79b3 རབ་ཀྱི་རྩལ་གྱིས་རྣམ་པར་གནོན་པ། ནམ་ཆོས་གང་ལའང་སྒོམ་པར་མི་བྱེད། མི་སྒོམ་པར་ཡང་མི་བྱེད་པ་དེའི་ཚེ། ལམ་གྱི་རྒྱུན་ཅེས་བྱའོ།། དེ་ཐམས་ཅད་ལ་སྒོམ་པར་ཡང་མི་བྱེད།
79b4 མི་སྒོམ་པར་མི་བྱེད་པས། སྒོམ་པ་ལས་ཡང་དག་པར་འདས་ནས། ཆོས་མཉམ་པ་ཉིད་རྙེད་དེ། ཆོས་མཉམ་པ་ཉིད་ངེས་ལམ་གྱི་འདུ་ཤེས་ཀྱང་མི་འབྱུང་ན། ལམ་མཐོང་བར
79b5 ལྟ་ག་ལ་འགྱུར། རབ་ཀྱི་རྩལ་གྱིས་རྣམ་པར་གནོན་པ། ལམ་གྱི་རྒྱུན་བཅད་ཅེས་བྱ་བ་དེ་ནི་དགེ་སློང་ཟག་པ་ཟད་པ། དགྲ་བཅོམ་པའི་ཚིག་བླ་དགས་སོ།། དེ་ཅིའི་ཕྱིར་ཞེ་ན།
79b6 དེས་བསྒོམ་པའང་མེད་ཅིང་། བསྒོམ་པ་མེད་པའང་མ་ཡིན་པར་ལམ་བསྒོམས་པ་མེད་པས། དེའི་ཕྱིར་བསྒོམས་པ་མེད་ཅེས་བྱའོ།། བསྒོམས་པ་མེད་པའང་དེ་ལ་མེད་པས
79b7 དེའི་ཕྱིར་སྒོམ་པ་མེད་ཅེས་བྱའོ། ། དེ་བསྒོམ་པ་དང་བྲལ་བས་དེའི་ཕྱིར་བསྒོམས་པ་མེད་ཅེས་བྱའོ།། རབ་ཀྱི་རྩལ་གྱིས་རྣམ་པར་གནོན་པ། གལ་ཏེ་སྒོམ་པ་འམ། བསྒོམ་པ
iiif viewer powered by OpenSeadragon
