| e-texts navigator |
| Wylie |
79a1 གང་ཡིན་པ་དེ་དག་ལའང་མི་སྤྱོད་ཅིང་མངོན་པར་ཞེན་པ་མེད་དེ། རབ་ཀྱི་རྩལ་གྱིས་རྣམ་པར་གནོན་པ། བྱང་ཆུབ་སེམས་དཔའ་ནི་དེ་ལྟར་མི་སྤྱོད་དོ།། རབ
79a2 ཀྱི་རྩལ་གྱིས་རྣམ་པར་གནོན་པ། འདི་དག་ཐམས་ཅད་ནི་རྣམ་པར་རྟོག་པ་སྤྱོད་པའོ།། བྱང་ཆུབ་སེམས་དཔའི་སྤྱོད་པ་ནི་རྟོག་པ་ཐམས་ཅད་སྤངས་པ་ཡིན་པས། བྱང་ཆུབ
79a3 སེམས་དཔའ་ནི་རྣམ་པར་རྟོག་པ་དང་མི་རྟོག་པ་ལ་སྤྱོད་དོ། ། རབ་ཀྱི་རྩལ་གྱིས་རྣམ་པར་གནོན་པ། རྟོག་པ་ཞེས་བྱ་བ་དེ་ནི་ཆོས་རྣམས་ལ་རྣམ་པར་རྟོག་པའོ།། ཆོས་ཐམས་ཅད
79a4 ནི་རྣམ་པར་མི་རྟོག་པ་ཡིན་པས། ཆོས་ཐམས་ཅད་ལ་བརྟག་པར་མི་ནུས་སོ།། དེ་ཕྱིར་གང་ཆོས་ལ་རྟོག་པ་དེ་ལོག་པར་རྟོག་པའོ།། རབ་ཀྱི་རྩལ་གྱིས་རྣམ་པར་གནོན་པ། ཆོས་ནི
79a5 རྟོག་པ་འམ། མི་རྟོག་པ་མ་ཡིན་ནོ།། རབ་ཀྱི་རྩལ་གྱིས་རྣམ་པར་གནོན་པ། རྟོག་པ་ཞེས་བྱ་བ་དེ་ནི་མཐའ་གཅིག། མི་རྟོག་པ་ཞེས་བྱ་བ་དེ་ནི་མཐའ་གཉིས་ཏེ། རབ་ཀྱི་རྩལ
79a6 གྱིས་རྣམ་པར་གནོན་པ། བྱང་ཆུབ་སེམས་དཔའ་ནི་མཐའ་དང་མཐའ་མེད་པ་ལ་མི་སྤྱོད་དོ།། གང་མཐའ་དང་མཐའ་མེད་པ་ལ་མི་སྤྱོད་པ་དེས་ནི། དབུས་ཡང་དག་པར་རྗེས་སུ་མི
79a7 མཐོང་ངོ་། ། རབ་ཀྱི་རྩལ་གྱིས་རྣམ་པར་གནོན་པ། དབུས་ཡང་དག་པར་རྗེས་སུ་མཐོང་ཞིང་། དབུས་ལ་སྤྱོད་ན་ནི་མཐའ་གཉིས་ལོ་སྤྱོད་དོ།། རབ་ཀྱི་རྩལ་གྱིས་རྣམ་པར་གནོན་པ།
iiif viewer powered by OpenSeadragon
