| e-texts navigator |
| Wylie |
72b1 སེམས་ཅན་དེ་ལྟ་བུ་ལ་ལྷ་རྣམས་དགའ་བར་འགྱུར་ན། མི་རྣམས་ལྟ་ཅི་སྨོས། དེ་དག་གི་གན་དུ་ལྷ་རྣམས་ཀྱང་འགྲོ་བར་འགྱུར་ན། མི་རྣམས་ལྟ་ཅི་སྨོས། དེ་དག་ལྷ་རྣམས
72b2 ཀྱིས་ཀྱང་བཀུར་སྟི་བྱ་བར་འོས་པ་ཡིན་ན། མི་རྣམས་ལྟ་ཅི་སྨོས། དེ་དག་ལ་ལྷ་རྣམས་ཀྱང་སྲུང་བར་འགྱུར་ན། མི་རྣམས་ལྷ་ཅི་སྨོས། དེ་བཞིན་དུ་ཀླུ་དང་། གནོད་སྦྱིན
72b3 དང་། སྲིན་པོ་དང་། ནམ་མཁའ་ལྡིང་དང་། དྲི་ཟ་རྣམས་ཀྱང་དེ་དག་ལ་སྲུང་བར་འགྱུར། དེ་དག་ལ་སྲུང་བ་དང་། སྒྲིབ་པ་དང་། སྦེད་པའི་ཕྱིར་འབད་པར་འགྱུར་རོ།།
72b4 དཔེའི་ལེའུ་ཞེས་བྱ་སྟེ་བཞི་པའོ།། ། ཁམ་པོ་བཞི་པ།། ། དེ་ནས་ཚེ་དང་ལྡན་པ་ཤཱ་རིའི་བུ་ས། ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས
72b5 སོ། ཚེ་དང་ལྡན་པ་རབ་འབྱོར་ལ། སྟོན་པའང་འདི་ན་མངོན་སུམ་དུ་གྱུར། འཁོར་འདིའང་ཆོས་ཟབ་མོ་བསྟན་པའི་སྣོད་དུ་གྱུར་ཏེ། ཚེ་དང་ལྡན་པ་རབ་འབྱོར་འཁོར་འདི་ནི་ངག
72b6 ཅིང་ཟབ་མོས་ཆོས་ཐོས་པར་འདོད་ན། ཁྱོད་ཅིའི་ཕྱིར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བརྩམས་ཏེ་སྤོབས་པར་མི་བྱེད་པར་ཅང་མི་སྨྲ་བར་འདུག། དེ་སྐད་ཅེས་སྨྲས་པ་དང་།
72b7 དང་ལྡན་པ་རབ་འབྱོར་གྱིས་འདི་སྐད་ཅེས་སྨྲས་སོ།། ཚེ་དང་ལྡན་པ་ཁོ་བོས་ནི་གང་བརྩམས་ཏེ་སྤོབས་པར་བྱ་བའི་ཆོས་དེ་ཡང་དག་པར་རྗེས་སུ་མི་མཐོང་ངོ་།། ཚེ་དང་ལྡན་པ་ཤཱ་རིའི་བུ
iiif viewer powered by OpenSeadragon
