| e-texts navigator |
| Wylie |
71b1 བརྩོན་འགྲུས་དང་། སྤོ་བ་དང་། མོས་པ་དང་། ལེ་ལོ་མེད་པ་དང་། དབང་པོ་བསྡམས་པ་དང་། མུ་ཅོར་མི་སྨྲ་བ་རབ་ཏུ་བསྟེན་པར་བྱའོ།། དྲན་པ་ཉེ་བར་གཞག་པ་དང་།
71b2 མང་དུ་ཐོས་པ་ལ་སྦྱོར་བར་བྱའོ།། བརྩོན་འགྲུས་བརྩམས་ལ། འདི་ལྟ་བུའི་ཡོན་ཏན་འདི་དག་ཡོངས་སུ་བསྐང་བའི་ཕྱིར་འབད་པར་བྱའོ།། ཤཱ་རིའི་བུ། འདི་ལྟ་བུའི་ཆོས
71b3 ཐོས་པའི་འབྲས་བུ་ནི་འདི་མ་ཡིན་ཏེ། གང་བྱང་ཆུབ་སེམས་དཔའ་དང་ཉན་ཐོས་འདི་ལྟ་བུའི་ཆོས་ཐོས་ན། བག་མེད་པར་མི་འགྱུར་བ་དང་། ཡིད་སྟོན་པར་མི་འགྱུར་བ་དང་།
71b4 འདུན་པ་ཡོངས་སུ་ཉམས་པ་དང་། བརྩོན་འགྲུས་བྲི་བ་དང་། མ་གྲིམས་པ་སྟོན་པ་དང་། གནོད་སེམས་མང་དུ་འགྱུར་བ་དེ་ནི་ཐོས་པའི་འབྲས་བུ་མ་ཡིན་ནོ།། དེ་དག་གིས
71b5 འདི་ལྟ་བུའི་ཆོས་འདི་ཐོས་པ་མ་ཡིན་ནོ། ། ཤཱ་རིའི་བུ། ཐོས་ཤེས་བྱ་བ་དེ་ནི་ཡང་དག་པའི་ནན་ཏན་གྱི་ཚིག་བླ་དགས་ཏེ། ལོག་པའི་ནན་ཏན་གྱི་མ་ཡིན་ནོ།། ཤཱ་རིའི་བུ། ལོག
71b6 པར་ཞུགས་པས་ནི། ཆོས་འདི་ཐོས་པར་མི་འགྱུར་རོ།། ཤཱ་རིའི་བུ། ཐོས་ནས་ཁྱོད་དོན་ལ་མཁས་ཤིང་། ནན་ཏན་གྱིས་གནས་པར་བྱའོ།། ཤཱ་རིའི་བུ། ལོག་པར
71b7 ཞུགས་པ་རྣམས་ལ་རྗེས་སུ་འཐུན་པའི་བཟོད་པའང་མེད་དོ། ། ཤཱ་རིའི་བུ། གང་ཇི་སྐད་བསྟན་པའི་ཆོས་འདི་ལ་ལོག་པར་མི་སྒྲུབ་པ་དེ་ནི། ཆོས་འདི་ལ་ནན་ཏན་བྱེད་པ་ཞེས་བྱའོ།། །
iiif viewer powered by OpenSeadragon
