| e-texts navigator |
| Wylie |
70a1 རབ་ཀྱི་ཕ་རོལ་ཏུ་ཕྱིན་པ་ནི། སྤྱོད་ཡུལ་བསྟན་པའི་མཚན་ཉིད་ཀྱི་ཕྱེ་བ་ཡིན་ནོ།། ཤཱ་རིའི་བུ། ཡུལ་ཞེས་བྱ་བ་དེ་ནི། ཆོས་ཐམས་ཅད་ཡུལ་མེད་པའོ།།
70a2 དེ་ནི་ཡང་དག་པ་ཇི་ལྟ་བ་ཉིད་དང་། ཇི་ལྟ་བ་བཞིན་པའོ།། མེད་པའི་ཕྱིར་ཆོས་ཐམས་ཅད་ཡུལ་མེད་དོ།། ཆོས་ཐམས་ཅད་དེ་ལྟར་ཡོངས་སུ་ཤེས་པ་དེ་ནི། ཡུལ་དང་སྤྱོད་ཡུལ
70a3 ཞེས་བྱ་སྟེ། ཇི་སྐད་དུ་བརྗོད་པ་བཞིན་དུ་ནི་མ་ཡིན་ནོ།། གང་ཆོས་རྣམས་དེ་ལྟར་ཡོངས་སུ་ཤེས་པ་དེ་ནི། གང་ལའང་ཆགས་པ་མེད་དེ། ཆགས་པ་མེད་པའི་མཚན་ཉིད་ཅེས་བྱའོ།། །
70a4 དེའི་ཕྱིར་ཤེས་རབ་ཀྱི་ཕ་རོལ་ཏུ་ཕྱིན་པ་ཆགས་པ་མེད་པའི་མཚན་ཉིད་ཅེས་བྱའོ།། ཤཱ་རིའི་བུ། འདི་ལྟ་བུའི་ཆོས་འདི་ལ་གྲོགས་མང་དུ་མ་རྙེད་དོ།། འདི་ལྟ་བུའི་ཆོས་འཆད་པ་དང
70a5 ཡང་དག་པར་རབ་ཏུ་སྟོན་པ་དང་། རྣམ་པར་འབྱེད་པ་གང་ཡིན་པ་དེ་ནི། དེ་བཞིན་གཤེགས་པའི་ཡེ་ཤེས་ཀྱི་ཡུལ་བསྟན་པའོ།། ཤཱ་རིའི་བུ། ཆོས་འདི་ལ་བདེན་པ་མཐོང་བའི
70a6 ཉན་ཐོས་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ཕྱིར་མི་ཟློག་པ། ལྟ་བ་ཕུན་སུམ་ཚོགས་པའི་གང་ཟག་ཕྱིར་མི་ཟློག་པ་རྣམས་མ་གཏོགས་པར། གྲོགས་གཞམ
70a7 གང་ཡང་མེད་དེ། ལྟ་བ་ཕུན་སུམ་ཚོགས་པ་ཆོས་འདི་ལ་སྤྱོད་པ་དེ་དག་ཀྱང་ཐེ་ཙོམ་དུ་འགྱུར་རོ།། ཤཱ་རིའི་བུ། བྱང་ཆུབ་སེམས་དཔའ་ཐེ་ཙོམ་མེད་པ། ལུས་མངོན་སུམ་དུ
iiif viewer powered by OpenSeadragon
