| e-texts navigator |
| Wylie |
6b1 བདག་དེ་བཞིན་གཤེགས་པ་ལ་ཞུ་ལགས་སོ། ། བཅོམ་ལྡན་འདས་སེམས་ཅན་གང་དག་སངས་རྒྱས་ཀྱི་ཡེ་ཤེས་ལའང་རློམ་སེམས་སུ་མི་བགྱིད་ཅིང་། མངོན་པར་མི་ཞེན་ལ། ཆགས
6b2 པར་མི་གནས་ཤིང་། རློམ་སེམས་ཐམས་ཅད་ལས་ཡང་དག་པར་འདས་པའི་ལམ་ལ་གནས་པར་ལམ་དུ་ཞུགས་པ། ལམ་སྟོན་པའི་སེམས་ཅན་རྣམས་དང་། བྱང་ཆུབ་སེམས་དཔའ
6b3 སེམས་དཔའ་ཆེན་པོ་དེ་དག་གི་སླད་དུ། བཅོམ་ལྡན་འདས་བདག་དེ་བཞིན་གཤེགས་པ་ལ་ཞུ་ལགས་སོ།། བཅོམ་ལྡན་འདས་བདག་ནི་སེམས་ཅན་ཐམས་ཅད་ལ་བདེ་བ་དང་། ལྷག
6b4 ན་མ་མཆིས་པའི་བདེ་བ་དང་། བླ་ན་མ་མཆིས་པའི་བདེ་བ་དང་། མྱ་ངན་ལས་འདས་པའི་བདེ་བ་དང་། སངས་རྒྱས་ཀྱི་བདེ་བ་དང་། འདུས་མ་བགྱིས་པའི་བདེ་བ་ཉེ་བར་བསྒྲུབ་པར
6b5 འཚལ་ཏེ། བདག་སེམས་ཅན་ཐམས་ཅད་ཀྱི་དོན་དང་། སྨན་པ་དང་། བདེ་བ་དང་། གྲུབ་པ་དང་། བདེ་བའི་སླད་དུ། དེ་བཞིན་གཤེགས་པ་ལ་ཞུ་ལགས་སོ།། བཅོམ
6b6 ལྡན་འདས་བདག་ནི་ཐེ་ཚོམ་མ་མཆིས་པར་འཚལ་ཞིང་། ཐེ་ཙོམ་མཆིས་ནས་ཀྱང་། སེམས་ཅན་རྣམས་ཀྱི་ཐེ་ཙོམ་རབ་ཏུ་སྤོང་བའི་སླད་དུ། ཆོས་བཤད་པར་འཚལ་ཏེ། བཅོམ
6b7 ལྡན་འདས་བདག་སེམས་ཅན་ཐམས་ཅད་ཀྱི་ཐེ་ཙོམ་བསལ་བའི་སླད་དུ། བཅོམ་ལྡན་འདས་ལ་ཞུ་ལགས་སོ།། དེ་ཅིའི་སླད་དུ་ཞེ་ན། བཅོམ་ལྡན་འདས་སེམས་ཅན་ཐམས་ཅད་ནི
iiif viewer powered by OpenSeadragon
