| e-texts navigator |
| Wylie |
69b1 ཅི་ལོག་པ་དེ་ཡང་དག་པ་མ་ཡིན་ནོ། ། གང་ཡང་དག་པ་མ་ཡིན་པ་དེ་ཡང་དག་པ་ཡོངས་སུ་གྲུབ་པ་འམ། མཚན་ཉིད་མེད་དོ།། ཤཱ་རིའི་བུ། གང་དེ་ལྟར་ཤེས་པ་དེ་ནི་རྣམ་པར་བྱང་བ
69b2 ཞེས་བྱའོ། ། ཀུན་ནས་ཉོན་མོངས་པ་ཉིད་ཀྱང་མཚན་ཉིད་མེད་ན། རྣམ་པར་བྱང་བ་ལྟ་ཅི་སྨོས། ཤཱ་རིའི་བུ། འདི་ལྟ་སྟེ། ཀུན་ནས་ཉོན་མོངས་པ་འམ། རྣམ་པར་བྱང་བའི
69b3 ཆོས་འདི་གཉིས་ནི་མཚན་ཉིད་མེད་ཅིང་ཡོངས་སུ་མ་གྲུབ་པའོ། ། ཤཱ་རིའི་བུ། ཆོས་ཐམས་ཅད་ནི་མཚན་ཉིད་མེད་ཅིང་ཡོངས་སུ་མ་གྲུབ་པ་སྟེ། དེ་ནི་ཆགས་པ་མེད་པ་ཞེས་བྱའོ།། ཆོས
69b4 ཐམས་ཅད་ཆགས་པ་མེད་པའི་མཚན་ཉིད་ཅེས་བྱ་བ་ནི། ཆོས་ཐམས་ཅད་ཆགས་པ་མེད་པ་ཡིན་ན། ཤཱ་རིའི་བུ། བྱིས་པ་སོ་སོའི་སྐྱེ་བོ་ཐམས་ཅད་ནི་ཆགས་པ་མེད་པ་ལ་ཆགས
69b5 སོ། ཤཱ་རིའི་བུ། འདི་ནི་ཆོས་ཐམས་ཅད་ཆགས་པ་མེད་པའི་མཚན་ཉིད་དེ། ཡེ་ཤེས་ཀྱི་སྤྱོད་ཡུལ་ཞེས་བསྟན་ཏོ།། ཤཱ་རིའི་བུ། འདི་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་སྤྱོད
69b6 ཡུལ་ལོ། ། ཆགས་པ་མེད་པའི་མཚན་ཉིད་ཡེ་ཤེས་ཀྱི་སྤྱོད་ཡུལ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། དེའི་ཕྱིར་ཤེས་རབ་ཀྱི་ཕ་རོལ་ཏུ་ཕྱིན་པའི་སྤྱོད་ཡུལ་མཐའ་ཡས་ཤེས
69b7 བྱའོ། ། གང་ཆགས་པ་མེད་པའི་དེའི་ཡུལ་དང་སྤྱོད་ཡུལ་མཐའ་ཡས་སོ།། ཤཱ་རིའི་བུ། སྤྱོད་ཡུལ་ཞེས་བྱ་བ་དེ་ནི། སྤྱོད་ཡུལ་མེད་པའི་ཆོག་བླ་དགསོ་སོ།། ཤཱ་རིའི་བུ། ཤེས
iiif viewer powered by OpenSeadragon
