| e-texts navigator |
| Wylie |
68b1 མཚན་ཉིད་མེད་པར་བསྟན་ཏོ། ། ཤཱ་རིའི་བུ། ཆགས་པ་མེད་པ་ཞེས་བྱ་བ་དེ་ནི་ཆགས་པ་ཡོངས་སུ་ཤེས་པའོ།། དེ་ནི་ཆགས་པ་མི་དམིགས་པའོ།། དེ་ནི་ཆགས་པའི་ཡང་དག་པ་ཇི་ལྟ
68b2 བ་བཞིན་ནོ། ། དེ་ནི་ཆགས་པའི་ཕྱིན་ཅི་ལོག་ཡོངས་སུ་ཤེས་པའོ།། ཤཱ་རིའི་བུ། ཆགས་པ་ལ་ཆགས་པ་མེད་དེ། དེའི་ཕྱིར་ཆགས་པའི་ཡང་དག་པ་ཇི་ལྟ་བ་ཉིད་དང་། ཆགས
68b3 པ་མི་དམིགས་པ་ནི་ཆགས་པ་མེད་པ་ཞེས་བྱའོ། ། ཤཱ་རིའི་བུ། ཡེ་ཤེས་བསྟན་པས། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཆགས་པ་མེད་པའི་མཚན་ཉིད་དོ།། ཤཱ་རིའི་བུ།
68b4 ཆོས་ཐམས་ཅད་ནི་ཆགས་པ་མེད་པའི་མཚན་ཉིད་དེ། ཆོས་གང་གི་མཚན་ཉིད་གང་ཡིན་པ་དེ་ནི་མཚན་ཉིད་མེད་པ་སྟེ། ཆོས་གང་ཡང་མཚན་ཉིད་མངོན་པར་འགྲུབ་པའི་ཕྱིར་ཉེ་བར
68b5 གནས་པ་མ་ཡིན་ནོ། ། གང་ལ་མཚན་ཉིད་མེད་པ་དེ་ནི་མཚན་ཉིད་མེད་པ་ཞེས་བྱའོ།། གང་མཚན་ཉིད་མེད་པ་དེ་ལ་ཆགས་པ་མེད་དོ།། གལ་ཏེ་ཆོས་ཀྱི་དབྱིངས་མཚན་ཉིད་གཅིག།
68b6 ཡོད་ན་ནི། ཆོས་ཐམས་ཅད་ལ་ཆགས་པར་ཡང་འགྱུར་ན། གང་གི་ཕྱིར་ཆོས་ཐམས་ཅད་མཚན་ཉིད་མེད་པ་དེའི་ཕྱིར་དེ་དག་ལ་ཆགས་པ་མེད་དེ། དེ་ནས་ཆོས་ཐམས་ཅད་ཆགས
68b7 པ་མེད་པའི་མཚན་ཉིད་ཅེས་བྱ་སྟེ། ཇི་སྐད་དུ་བརྗོད་པ་དེ་བཞིན་དུ་ནི་མ་ཡིན་ནོ།། གང་ཆགས་པ་མེད་པའི་མཚན་ཉིད་དེ་ནི་བརྗོད་པར་མི་ནུས་སོ།། དེ་ཅིའི་ཕྱིར་ཞེ་ན། མེད་པའི
iiif viewer powered by OpenSeadragon
