| e-texts navigator |
| Wylie |
68a1 རླུང་གི་ཁམས་ནི་ཆོས་གང་ཡོངས་སུ་གྲུབ་པར་མཐོང་བར་ཉེ་བར་འགྲོ་བ་མ་ཡིན་ནོ།། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པའང་ཆོས་གང་ཡོངས་སུ་གྲུབ་པར་མཐོང
68a2 བར་ཉེ་བར་འགྲོ་བ་མ་ཡིན་ནོ། ། གསོལ་པ། བཅོམ་ལྡན་འདས་ཤེས་རབ་ཀྱི་ཕ་རོལ་ཏུ་ཕྱིན་པའི་མཚན་ཉིད་གང་ལགས། བཀའ་སྩལ་པ། ཤཱ་རིའི་བུ། ཤེས་རབ་ཀྱི་ཕ་རོལ་ཏུ
68a3 ཕྱིན་པ་འདི་ནི་མཚན་ཉིད་མེད་དོ། ། ཤཱ་རིའི་བུ། འདི་ལྟ་སྟེ། དཔེར་ན་ནམ་མཁའི་ཁམས་དང་། རླུང་གི་ཁམས་ནི་ཆོས་གང་གི་ཡོངས་སུ་གྲུབ་པའི་མཚན་ཉིད་དུའང་ཉེ་བར་འགྲོ་བ
68a4 མ་ཡིན་ནོ། ། ཤཱ་རིའི་བུ་དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པའང་ཆོས་གང་ཡོངས་སུ་གྲུབ་པའི་མཚན་ཉིད་དུའང་ཉེ་བར་འགྲོ་བ་མ་ཡིན་ཏེ། ཤཱ་རིའི་བུ། འདི་ལྟར་མེད་པས
68a5 ཤེས་རབ་ཀྱི་ཕ་རོལ་ཏུ་ཕྱིན་པ་ནི་མཚན་ཉིད་མེད་པའོ། ། ཤཱ་རིའི་བུ། འདི་ལྟ་སྟེ། དཔེར་ན་ནམ་མཁའི་ཁམས་ནི་གང་དུའང་མི་ཆགས་སོ།། དེ་བཞིན་དུ་ཤེས་རབ་ཀྱི་ཕ་རོལ་ཏུ
68a6 ཕྱིན་པའང་གང་དུའང་མི་ཆགས་ཏེ། དེའི་ཕྱིར་ཆགས་པ་མེད་པའི་མཚན་ཉིད་ཅེས་བྱའོ།། ཤཱ་རིའི་བུ། ཆགས་པ་མེད་པ་ལ་མཚན་ཉིད་ཅིའང་མེད་མོད་ཀྱི། འོན་ཀྱང་གང་གི་ཕྱིར
68a7 ཤེས་རབ་ཀྱི་ཕ་རོལ་ཏུ་ཕྱིན་པ་ཆགས་པ་མེད་པའི་མཚན་ཉིད་དོ་ཞེས་བྱ་བ་དེ་ནི་ཐ་སྙད་ཀྱི་ཚིག་གོ། ། ཤཱ་རིའི་བུ། ཆགས་པ་མེད་པ་ལ་ནི་མཚན་ཉིད་མེད་ཅིང་མཚན་མ་མེད་དེ། དེ་ཉིད
iiif viewer powered by OpenSeadragon
