| e-texts navigator |
| Wylie |
67b1 སོ། ། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པའི་ཡུལ་དང་སྤྱོད་ཡུལ་ཡང་མཐའ་ཡས་སོ།། ཤཱ་རིའི་བུ། འདི་ལྟ་སྟེ། དཔེར་ན་ནམ་མཁའི་ཁམས་ཀྱི་ཡུལ་དང་སྤྱོད་ཡུལ་ནི་མཐའ
67b2 ཡས་སོ། ། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པའི་ཡུལ་དང་སྤྱོད་ཡུལ་ནི་ནམ་མཁའ་འོ།། ཤཱ་རིའི་བུ། འདི་ལྟ་སྟེ། དཔེར་ན་ནམ་མཁའི་ཁམས་ཀྱི་ཡུལ་དང་སྤྱོད་ཡུལ་ནི
67b3 མཐའ་ཡས་སོ། ། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པའི་ཡུལ་དང་སྤྱོད་ཡུལ་ཡང་མཐའ་ཡས་སོ།། ཤཱ་རིའི་བུ། འདི་ལྟ་སྟེ། དཔེར་ན་ནམ་མཁའི་ཁམས་དང་། རླུང་གི
67b4 ཁམས་ནི། གང་ནའང་མི་སྣང་ཞིང་། ཆོས་གང་མངོན་པར་གྲུབ་པའི་མཚན་ཉིད་དུའང་ཉེ་བར་གནས་པ་མ་ཡིན་ནོ།། ཤཱ་རིའི་བུ་དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པའང་ཆོས་གང
67b5 ལའང་མི་སྣང་ཞིང་། ཆོས་གང་མངོན་པར་གྲུབ་པའི་མཚན་ཉིད་དུའང་ཉེ་བར་གནས་པ་མ་ཡིན་ནོ།། ཤཱ་རིའི་བུ། འདི་ལྟ་སྟེ། དཔེར་ན་ནམ་མཁའི་ཁམས་དང་། རླུང་གི་ཁམས
67b6 ནི་གཟུང་དུ་མེད་ཅིང་། ཡོངས་སུ་མ་གྲུབ་པས། ཁ་དོག་གི་མཚན་མའི་གྲངས་སུ་མི་འགྲོའོ།། ཤཱ་རིའི་བུ་དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པའང་གཟུང་དུ་མེད་ཅིང་། ཡོངས
67b7 སུ་མ་གྲུབ་པས། ཁ་དོག་དང་མཚན་མ་གང་གིས་ཀྱང་། གང་གི་གྲངས་སུའང་ཉེ་བར་འགྲོ་བ་མ་ཡིན་ནོ།། ཤཱ་རིའི་བུ། འདི་ལྟ་སྟེ། དཔེར་ན་ནམ་མཁའི་ཁམས་དང་།
iiif viewer powered by OpenSeadragon
