| e-texts navigator |
| Wylie |
66b1 ། ཤཱ་རིའི་བུ། ཉན་ཐོས་དང་རང་སངས་རྒྱས་ཀྱི་ཐེག་པ་ལ་ངེས་པར་འགྱུར་བར་མ་ཞུགས་ཤིང་མ་ངེས་པ་ནི། ངས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ།། ཤཱ་རིའི།།
66b2 བུ་ཆོས་ཀྱི་མཆོག་འདི་ལ་ཆོས་ཆུང་ངུ་དང་ལྡན་པའི་སེམས་ཅན་རྣམས་ཀྱི་གོ་སྐབས་ངས་མ་མཐོང་ངོ་།། ཤཱ་རིའི་བུ། སངས་རྒྱས་ཀྱི་བྱང་ཆུབ་འདི་ནི་རྒྱ་ཆེན། སེམས་ཅན་ནི་ཕེལ
66b3 ཆེར་དམན་པ་ལ་མོས་ཤིང་། ཆོས་ཆུང་ངུ་དང་ལྡན་ཏེ། འདི་ལྟ་བུའི་ཆོས་ཟབ་མོ་ཆགས་པ་མེད་པ་ལ་དགེ་བར་མ་བྱས་ཤིང་མི་མཁས་སོ།། ཤཱ་རིའི་བུ། འདི་ནི་སེམས་ཅན་གང
66b4 དག་རྒྱ་ཆེ་ཞིང་། མོས་པ་རྒྱ་ཆེན་པོ་ལ་མོས་པ། ཐེག་པ་ཆེན་པོ་ལ་ཡང་དག་པར་ཞུགས་པ། དགོས་པ་ཤིན་ཏུ་ཡོངས་སུ་རྙེད་པ། གོ་ཆ་ཆེན་པོ་ཤིན་ཏུ་བགོས་པ། དོན
66b5 ལེགས་པ་རྣམ་པར་རྟོགས་པ། ལམ་ཆེན་པོ་དྲང་ཞིང་ཉམ་ང་བ་མེད་པ། ཚང་ཚིང་མེད་པ། མཉམ་པ། སྨྱིག་མ་དང་ཚེར་མ་མེད་པ། ངམ་གྲོག་དང་གཡང་ས་མེད་པ།
66b6 གཙང་བ། གནོད་པ་མེད་པ། གྱ་གྱུ་མེད་པ། ཡོན་པོ་མ་ཡིན་པར་ཞུགས་པ་དང་། ཤཱ་རིའི་བུ། གང་དག་འཇིག་རྟེན་ལ་ཕན་པ་དང་། འཇིག་རྟེན་ལ་སྙིང་བརྩེ་བ་དང་།
66b7 ལྷ་དང་མི་རྣམས་ཀྱི་དོན་དང་། ཕན་པ་དང་བདེ་བའི་ཕྱིར་ཞུགས་པ། སྣང་བ་བྱེད་པ། སེམས་ཅན་རྣམས་ཀྱི་མུ་སྟེགས་སུ་གྱུར་པ། སྙིང་རྗེ་ཆེན་པོ་དང་ལྡན་པ། ཕན་པར
iiif viewer powered by OpenSeadragon
