| e-texts navigator |
| Wylie |
64b1 བུ་མངོན་པར་ཤེས་པ་མུ་མེད་པ་དང་། རྣམ་པར་གྲོལ་བ་མུ་མེད་པ་དང་། རྣམ་པར་གྲོལ་བའི་ཡེ་ཤེས་མཐོང་བ་མུ་མེད་པས། ཤེས་རབ་ཀྱི་ཕ་རོལ་ཏུ་ཕྱིན་པ་མུ་མེད་པར་རིག
64b2 པར་བྱའོ། ། ཤཱ་རིའི་བུ། སོ་སོ་སྐྱེ་བོའི་ཆོས་མུ་མེད་པ་དང་། ཉན་ཐོས་ཀྱི་ཆོས་མུ་མེད་པ་དང་། རང་སངས་རྒྱས་ཀྱི་ཆོས་མུ་མེད་པ་དང་། སངས་རྒྱས་ཀྱི་ཆོས་མུ་མེད་པས།
64b3 ཤེས་རབ་ཀྱི་ཕ་རོལ་ཏུ་ཕྱིན་པ་མུ་མེད་པར་རིག་པར་བྱའོ།། ཤཱ་རིའི་བུ། རིག་པ་མུ་མེད་པ་དང་། རྣམ་པར་གྲོལ་བ་མུ་མེད་པ་དང་། རྣམ་པར་གྲོལ་བའི་ཡེ་ཤེས་མཐོང་བ་མུ་མེད
64b4 པ་ས། ཤེས་རབ་ཀྱི་ཕ་རོལ་ཏུ་ཕྱིན་པ་མུ་མེད་པར་རིག་པར་བྱའོ།། ཤཱ་རིའི་བུ། མུ་དམིགས་སུ་མེད་པས། ཤེས་རབ་ཀྱི་ཕ་རོལ་ཏུ་ཕྱིན་པ་མུ་མེད་པ་ཞེས་བྱའོ།། མཐའ
64b5 དམིགས་སུ་མེད་པས། མཐའ་ཡས་པ་ཞེས་བྱའོ།། ཤཱ་རིའི་བུ། མཐའ་མེད་པ་ཞེས་བྱ་བ་དེ་ནི། མུ་མེད་པའི་ཚིག་གོ།། ཤཱ་རིའི་བུ། བདག་མ་སྐྱེས་པས། ཆོས
64b6 ཐམས་ཅད་མཐའ་ཡས་པར་རིག་པར་བྱའོ། ། ཤཱ་རིའི་བུ། ནམ་མཁའ་མཐའ་ཡས་པས། ཆོས་ཐམས་ཅད་མཐའ་ཡས་པ་མེད་པར་རིག་པར་བྱའོ།། དེ་སྐད་ཅེས་བཀའ་སྩལ་པ་དང་།
64b7 བཅོམ་ལྡན་འདས་ལ། ཚེ་དང་ལྡན་པ་ཤཱ་ར་དྭ་ཏིའི་བུས་འདི་སྐད་ཅེས་གསོལ་ཏོ།། བཅོམ་ལྡན་འདས་ཆོས་འདི་བྱང་ཆུབ་སེམས་དཔའ་ཇི་ལྟ་བུ་དག་གི་ཡུལ་དུ་འགྱུར་བ་ལགས།།
iiif viewer powered by OpenSeadragon
