| e-texts navigator |
| Wylie |
64a1 དང་། སྡུག་བསྔལ་བ་དང་། ཡིད་མི་བདེ་བ་དང་། འཁྲུག་པའི་བར་དུ་མུ་མེད་པས། ཤཱ་རིའི་བུ། ཤེས་རབ་ཀྱི་ཕ་རོལ་ཏུ་ཕྱིན་པ་མུ་མེད་པར་རིག
64a2 པར་བྱའོ། ། ཕྱིན་ཅི་ལོག་མུ་མེད་པ་དང་། སྒྲིབ་པ་མུ་མེད་པ་དང་། ལྟ་བར་སོང་བ་མུ་མེད་པས། ཤཱ་རིའི་བུ། ཤེས་རབ་ཀྱི་ཕ་རོལ་ཏུ་ཕྱིན་པ་མུ་མེད་པར་རིག་པར
64a3 བྱའོ། ། བདག་མུ་མེད་པ་དང་། སེམས་ཅན་མུ་མེད་པས། ཤེས་རབ་ཀྱི་ཕ་རོལ་ཏུ་ཕྱིན་པ་མུ་མེད་པར་རིག་པར་བྱའོ།། སྦྱིན་པ་མུ་མེད་པ་དང་། ཚུལ་ཁྲིམས་མུ་མེད་པ
64a4 དང་། བཟོད་པ་མུ་མེད་པ་དང་། བརྩོན་འགྲུས་མུ་མེད་པ་དང་། བསམ་གཏན་མུ་མེད་པ་དང་། ཤེས་རབ་མུ་མེད་པས། ཤེས་རབ་ཀྱི་ཕ་རོལ་ཏུ་ཕྱིན་པ་མུ་མེད་པར་རིག
64a5 པར་བྱའོ། ། དྲན་པ་ཉེ་བར་གཞག་པ་དང་། ཡང་དག་པར་སྤོང་བ་མུ་མེད་པས། ཤེས་རབ་ཀྱི་ཕ་རོལ་ཏུ་ཕྱིན་པ་མུ་མེད་པར་རིག་པར་བྱའོ།། དབང་པོ་དང་། སྟོབས་དང་། བྱང
64a6 ཆུབ་ཀྱི་ཡན་ལག་དང་། བསམ་གཏན་དང་། རྣམ་པར་ཐར་པ་དང་། ཏིང་ངེ་འཛིན་དང་། སྙོམས་པར་འཇུག་པ་མུ་མེད་པས། ཤེས་རབ་ཀྱི་ཕ་རོལ་ཏུ་ཕྱིན་པ་མུ་མེད་པར
64a7 བྱའོ། ། ཤཱ་རིའི་བུ། སྡུག་བསྔལ་བ་དང་། ཀུན་འབྱུང་བ་དང་། འགོག་པ་དང་། ལམ་མུ་མེད་པས། ཤེས་རབ་ཀྱི་ཕ་རོལ་ཏུ་ཕྱིན་པ་མུ་མེད་པར་རིག་པོར་བྱའོ།། ཤཱ་རི
iiif viewer powered by OpenSeadragon
