| e-texts navigator |
| Wylie |
63b1 པ་ནི། ཐོག་མ་དང་། བར་མ་དང་། ཐ་མ་མི་དམིགས་སོ།། གང་གིས་ཀྱང་མི་དམིགས་སོ།། ཤཱ་རིའི་བུ། འདི་ལྟ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི། མཐའ
63b2 ཡས་མུ་མེད་པའོ། ། འདི་ལྟ་སྟེ། དཔེར་ན་ནམ་མཁའི་མཐའ་མི་དམིགས་པ་དེ་བཞིན་དུ། ཤེས་རབ་ཀྱི་ཕ་རོལ་ཏུ་ཕྱིན་པའི་མཐའ་ཡང་མི་དམིགས་སོ།། སའི་ཁམས་མཐའ་ཡས
63b3 པས། ཤེས་རབ་ཀྱི་ཕ་རོལ་ཏུ་ཕྱིན་པ་མཐའ་ཡས་པར་བལྟའོ།། ཆུའི་ཁམས་མཐའ་ཡས་པ་དང་། མེའི་ཁམས་མཐའ་ཡས་པ་དང་། རླུང་གི་ཁམས་མཐའ་ཡས་པ་དང་།
63b4 རྣམ་པར་ཤེས་པའི་ཁམས་མཐའ་ཡས་པ། ཤེས་རབ་ཀྱི་ཕ་རོལ་ཏུ་ཕྱིན་པ་མཐའ་ཡས་པར་ཁོང་དུ་ཆུད་པར་བྱའོ།། ཤཱ་རིའི་བུ། ཤེས་རབ་ཀྱི་ཕ་རོལ་ཏུ་ཕྱིན་པ་ནི། མཐའ་མེད།
63b5 དབུས་མེད། མུ་མེད་པར་ཁོང་དུ་ཆུད་པར་བྱའོ།། ཤཱ་རིའི་བུ། འདི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ནི། ཡུལ་ནི་མི་གནས། ཕྱོགས་ན་མི་གནས་སོ།། ཤཱ་རིའི་བུ།
63b6 གཟུགས་མུ་མེད་པས། ཤེས་རབ་ཀྱི་ཕ་རོལ་ཏུ་ཕྱིན་པ་མུ་མེད་པར་རིག་པར་བྱའོ།། དེ་བཞིན་དུ་སྦྱར་ཏེ། འདི་ལྟར་ཚོར་བ་དང་། འདུ་ཤེས་དང་། འདུ་བྱེད་རྣམས་དང་།
63b7 རྣམ་པར་ཤེས་པ་མུ་མེད་པས། ཤེས་རབ་ཀྱི་ཕ་རོལ་ཏུ་ཕྱིན་པ་མུ་མེད་པར་རིག་པར་བྱའོ།། མ་རིག་པ་མུ་མེད་པ་ནས། རྒ་ཤི་དང་། མྱ་ངན་དང་། སྨྲེ་སྔགས་འདོན་པ
iiif viewer powered by OpenSeadragon
