| e-texts navigator |
| Wylie |
5b1 པ་རྣམས་ཀྱི་སླད་དུ་མ་ལགས། བདག་ལ་བསྟོད་པ་རྣམས་ཀྱི་སླད་དུ་མ་ལགས། གཞན་ལ་སྨོད་པ་རྣམས་ཀྱི་སླད་དུ་མ་ལགས། རྙེད་པ་དང་བཀུར་སྟི་ལ་གདུ་བ་རྣམས་ཀྱི་སླད་དུ་མ་ལགས
5b2 ལྷུང་བཟེད་དང་ཆོས་གོས་ལ་ཆགས་པ་རྣམས་ཀྱི་སླད་དུ་མ་ལགས། ཚུལ་འཆོས་པ་རྣམས་ཀྱི་སླད་དུ་མ་ལགས། ཁ་གསག་ཅན་རྣམས་ཀྱི་སླད་དུ་མ་ལགས། གཞོགས་སློངས་ཅན་རྣམས་ཀྱི
5b3 སླད་དུ་མ་ལགས། ཐོབ་ཀྱིས་འཇལ་བ་རྣམས་ཀྱི་སླད་དུ་མ་ལགས། རྙེད་པ་ལ་རྙེད་པར་སྒྲུབ་པ་རྣམས་ཀྱི་སླད་དུ་མ་ལགས། བཅོམ་ལྡན་འདས་སེམས་ཅན་དེ་ལྟ་བུ་རྣམས་ཀྱི་སླད་དུ
5b4 བདག་དེ་བཞིན་གཤེགས་པ་ལ་ཞུ་བ་མ་ལགས་སོ། ། བཅོམ་ལྡན་འདས་སེམས་ཅན་གང་དག་ཐམས་ཅད་མཁྱེན་པའི་ཡེ་ཤེས་ཚོལ་བ་དང་། ཆགས་པ་མ་མཆིས་པའི་ཡེ་ཤེས་དང་། རང
5b5 བྱུང་གི་ཡེ་ཤེས་དང་། མི་མཉམ་པ་དང་མཉམ་པའི་ཡེ་ཤེས་དང་། བླ་ན་མེད་པའི་ཡེ་ཤེས་ཚོལ་བ་དེ་དག་དང་། གང་དག་བདག་དང་ཕ་རོལ་ཀྱང་མི་དམིགས་ན། བདག་ལ་བསྟོད་པ་དང
5b6 གཞན་ལ་སྨོད་པ་ལྟ་ག་ལ་མཆི་སྟེ། བཅོམ་ལྡན་འདས་རྭ་བཅད་པ་ལྟ་བུར་ང་རྒྱལ་མ་མཆིས་པ། ཟུག་རྔུ་ཕྱུང་བ། གདོལ་བུ་ལྟ་བུར་སེམས་དམན་པ། སེམས་ས་དང་། ཆུ་དང་།
5b7 མེ་དང་། རླུང་དང་། ནམ་མཁའ་དང་མཚུངས་པའི་སེམས་ཅན་རྣམས་དང་། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་སླད་དུ། བདག་དེ་བཞིན་གཤེགས་པ་ལ་ཞུ་ལགས
iiif viewer powered by OpenSeadragon
