| e-texts navigator |
| Wylie |
52a1 དེ་མི་དམིགས་སོ། ། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པའང་བསྟན་པ་སྣ་ཚོགས་སུ་ཉེ་བར་གནས་མོད་ཀྱི། དེ་བསྟན་པའི་རང་བཞིན་མི་དམིགས་སོ།།
52a2 ཤཱ་རིའི་བུ། འདི་ལྟ་སྟེ། དཔེར་ན་ནམ་མཁའ་ལ་སོར་མོ་ལྔ་ཡོངས་སུ་གྲུབ་པར་སྔོན་ནམ་ཡང་སུས་ཀྱང་མ་མཐོང་ངོ་།། ཤཱ་རིའི་བུ་དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས
52a3 སུ་གྲུབ་པའི་རང་བཞིན་སྔོན་ནམ་ཡང་སུས་ཀྱང་མ་མཐོང་ངོ་། ། དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ། ཚེ་དང་ལྡན་པ་ཤཱ་རིའི་བུས་འདི་སྐད་ཅེས་གསོལ་ཏོ།།
52a4 བཅོམ་ལྡན་འདས་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི་མཐོང་བར་དཀའ་བ་ལགས་སོ།། བཀའ་སྩལ་པ། ཤཱ་རིའི་བུ། འདི་ལྟར་སུ་ལའང་མཐོང་བར་ཉེ་བར་མི་འགྲོའོ།། གསོལ
52a5 པཔབཅོམ་ལྡན་འདས་ཤེས་རབ་ཀྱི་ཕ་རོལ་ཏུ་ཕྱིན་པ་ནི་ཁོང་དུ་ཆུད་པར་དཀའ་བ་ལགས་སོ། ། བཀའ་སྩལ་པ། ཤཱ་རིའི་བུ། འདི་ལྟར་འདི་ལ་ནི་གང་མངོན་པར་རྫོགས
52a6 པར་རྟོགས་པ་ཡོངས་སུ་གྲུབ་པའི་ཆོས་གང་ཡང་མི་དམིགས་སོ། ། གསོལ་པ། བཅོམ་ལྡན་འདས་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི་བསྟན་ཏུ་མ་མཆིས་པ་ལགས་སོ།།
52a7 བཀའ་སྩལ་པ། ཤཱ་རིའི་བུ། འདི་ལྟར་ཆོས་གང་བསྟན་པར་ཡང་ཉེ་བར་གནས་པ་མ་ཡིན་ནོ།། གསོལ་པ། བཅོམ་ལྡན་འདས་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི
iiif viewer powered by OpenSeadragon
