| e-texts navigator |
| Wylie |
51b1 པར་གྱུར་པ་དང་། ཞི་བ་དང་། རབ་ཏུ་ཞི་བ་ཡོངས་སུ་མ་གྲུབ་པས། ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་མ་གྲུབ་བོ།། སེམས་ཅན་ཡོངས་སུ་སྨིན་པར་བྱ་བ་ཡོངས
51b2 སུ་མ་གྲུབ་པས། ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་མ་གྲུབ་བོ།། མཚན་ཕུན་སུམ་ཚོགས་པ་དང་། སངས་རྒྱས་ཀྱི་ཞིང་ཡོངས་སུ་དག་པ་དང་། སངས་རྒྱས
51b3 ཀྱི་སྟོབས་དང་། མི་འཇིགས་པ་དང་། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཡོངས་སུ་མ་གྲུབ་པས། ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་མ་གྲུབ་བོ།
51b4 མྱ་ངན་ལས་འདས་པ་ཡོངས་སུ་མ་གྲུབ་པས། ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་མ་གྲུབ་བོ།། དགེ་བ་དང་མི་དགེ་བའི་ཆོས་ཐམས་ཅད་ཀྱི་བར་དུ་ཡོངས་སུ་མ་གྲུབ་པས།
51b5 ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་མ་གྲུབ་སྟེ། དེ་བཞིན་དུ་ཐམས་ཅད་ལའང་རྒྱས་པར་སྦྱར་རོ།། ཤཱ་རིའི་བུ། འདི་ལྟ་སྟེ། དཔེར་ན་ནམ་མཁའ་ནི་གཟུགས
51b6 མེད། བསྟན་དུ་མེད། དངོས་པོ་མེད་དེ། ཡོངས་སུ་མ་གྲུབ་བོ།། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པའང་གཟུགས་མེད། བསྟན་དུ་མེད། དངོས་པོ་མེད
51b7 དེ། ཡོངས་སུ་མ་གྲུབ་བོ།། ཤཱ་རིའི་བུ། འདི་ལྟ་སྟེ། དཔེར་ན་འཇའ་ནི་ཚོན་གྱི་རྣམ་པ་སྣ་ཚོགས་སུ་ཀུན་ཏུ་སྣང་ཡང་། དེ་ལ་ཚོན་གང་ཡང་ཡོངས་སུ་གྲུབ་པ་མེད
iiif viewer powered by OpenSeadragon
