| e-texts navigator |
| Wylie |
4b1 ཐམས་ཅད་ཀྱི་དོན་གྱི་སླད་དུ། བདག་དེ་བཞིན་གཤེགས་པ་ལ་དོན་འདི་ཞུ་ལགས་སོ།། དེ་ཅིའི་སླད་དུ་ཞེ་ན། བཅོམ་ལྡན་འདས། འདི་ལྟ་སྟེ། ཤེས་རབ་ཀྱི་ཕ་རོལ་ཏུ
4b2 ཕྱིན་པ་ནི་ཉན་ཐོས་དང་། རང་སངས་རྒྱས་དང་། བྱང་ཆུབ་སེམས་དཔའ་དང་། ཡང་དག་པར་རྫོགས་པའི་སངས་རྒྱས་ཀྱི་ཆོས་དང་། ཆོས་ཐམས་ཅད་སྡུད་པ་ལགས་པའི
4b3 སླད་དུའོ། ། བཅོམ་ལྡན་འདས་དེ་ལ་སེམས་ཅན་གང་དག་ཉན་ཐོས་ཀྱི་ཐེག་པ་ལ་ངེས་པར་གྱུར་པ་དེ་དག་གིས་ཐོས་ན་མྱུར་དུ་ཟག་པ་མ་མཆིས་པའི་ས་མངོན་སུམ་དུ་བགྱིད་པར་འགྱུར་བ
4b4 དང་། གང་དག་རང་སངས་རྒྱས་ཀྱི་ཐེག་པ་ལ་ངེས་པར་གྱུར་པ་དེ་དག་ཀྱང་མྱུར་དུ་རང་སངས་རྒྱས་ཀྱི་ཐེག་པས་ངེས་པར་འབྱུང་བར་འགྱུར་བ་དང་། གང་དག་བླ་ན་མེད་པ་ཡང་དག་པར
4b5 རྫོགས་པའི་བྱང་ཆུབ་ལ་ཡང་དག་པར་ཞུགས་པ་དེ་དག་ཀྱང་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་བ་དང་། གང་དག་ཡང་དག
4b6 པ་ཉིད་སྐྱོན་མེད་པ་ལ་མ་ཞུགས་ཤིང་ས་གསུམ་ལ་མ་ངེས་པ་དེ་དག་གིས་ཐོས་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་འགྱུར་བ་དང་། བཅོམ་ལྡན་འདས
4b7 དེ་བཞིན་གཤེགས་པས་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཞུས་པའི་ལན་བཏབ་པས། སེམས་ཅན་ཐམས་ཅད་ཀྱི་དགེ་བའི་རྩ་བ་བསྐྱེད་པར་འགྱུར་བའི་སླད་དུ། དེ་བཞིན་གཤེགས
iiif viewer powered by OpenSeadragon
