| e-texts navigator |
| Wylie |
48b1 དཔེར་ན་གྲིབ་མ་དང་ཉི་ལོགས་ཤེས་ཐ་སྙད་འདོགས་ཀྱང་། དེ་གཉིས་ནི་ཆོས་གང་ཡོངས་སུ་གྲུབ་པའི་ཕྱིར་ཡང་ཉེ་བར་མི་གནས་ལ། སྣང་བའང་མངོན་ནོ།། རབ་ཀྱི་རྩལ་གྱིས་རྣམ
48b2 པར་གནོན་པ། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་ཞེས་ཐ་སྙད་འདོགས་པའི་ཚིག་ཏུ་འགྲོའང་། ཆོས་གང་བསྟན་པར་ཡང་ཐ་སྙད་ཀྱི་ཚིག་ཏུ་མི་འགྲོ་ལ། ཆོས་རྣམས་སྣང
48b3 བར་ཡང་བྱེད་དོ། ། རབ་ཀྱི་རྩལ་གྱིས་རྣམ་པར་གནོན་པ། འདི་ལྟ་སྟེ། དཔེར་ན་ནོར་བུ་རིན་པོ་ཆེ་སྦྱངས་པ་ན། སྣང་བ་ཆེན་པོར་ཉེ་བར་གནས་པར་གྱུར་ཀྱང་། སྣང་བ་དེ
48b4 ནང་ངམ། ཕྱི་རོལ་ན་མེད་དོ།། རབ་ཀྱི་རྩལ་གྱིས་རྣམ་པར་གནོན་པ། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་སྣང་བའི་བྱ་བ་ཆེན་པོས་ཉེ་བར་གནས་ཀྱང་། སྣང་བ་དེ
48b5 ནི་ནང་ངམ། ཕྱི་རོལ་ཏུ་ཉེ་བར་གནས་པར་མི་འགྲོའོ།། རབ་ཀྱི་རྩལ་གྱིས་རྣམ་པར་གནོན་པ། འདི་ལྟ་སྟེ། དཔེར་ན་ཡུངས་མར་གྱི་མར་མེ་བུས་ན་དེའི་འོད་འཕྲོ་བ་ཡུད་ཙམ
48b6 ཡང་མི་གནས་མོད་ཀྱི་སྣང་བར་ཡང་བྱེད་ཀྱི། སྣང་བ་ངེས་གཟུགས་རྣམས་ཀྱང་མཐོང་བར་འགྱུར་རོ།། རབ་ཀྱི་རྩལ་གྱིས་རྣམ་པར་གནོན་པ། དེ་བཞིན་དུ་ཤེས་རབ་ཏུ
48b7 ཕ་རོལ་ཏུ་ཕྱིན་པ་ཆོས་གང་ལའང་མི་གནས་མོད་ཀྱི། ཆོས་རྣམས་ཀྱི་སྣང་བའི་བྱ་བའང་བྱེད་དེ། སྣང་བ་དེས་འཕགས་པ་རྣམས་ཆོས་ཐམས་ཅད་ཡང་དག་པ་ཇི་ལྟ་བ་བཞིན
iiif viewer powered by OpenSeadragon
