| e-texts navigator |
| Wylie |
48a1 རྩལ་གྱིས་རྣམ་པར་གནོན་པ། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པའང་ཆོས་གང་མངོན་པར་འགྲུབ་པར་འབྱུང་བར་ཉེ་བར་གནས་པ་མ་ཡིན་ནོ།། རབ
48a2 ཀྱི་རྩལ་གྱིས་རྣམ་པར་གནོན་པ། འདི་ལྟ་སྟེ། དཔེར་ན་སྐྱེས་བུས་ཆུ་ཤིང་གི་སྙིང་པོ་ཀུན་ཏུ་བཙལ་ཀྱང་མི་རྙེད་མོད་ཀྱི། འོན་ཀྱང་དེའི་འདབ་མ་རྣམས་ཀྱིས་དགོས་པ་བྱེད་དོ།།
48a3 རབ་ཀྱི་རྩལ་གྱིས་རྣམ་པར་གནོན་པ། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པའང་སྙིང་པོ་མེད་མོད་ཀྱི། ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པས་དགོས་པའང་བྱེད་དོ།།
48a4 རབ་ཀྱི་རྩལ་གྱིས་རྣམ་པར་གནོན་པ། འདི་ལྟ་སྟེ། དཔེར་ན་སྐྱེས་བུ་ནམ་མཁའ་སྟོན་པར་ཐ་སྙད་འདོགས་ཀྱང་། ནམ་མཁའ་ལ་ནི་བསྟན་པ་ཅིའང་མེད་དོ།། རབ་ཀྱི་རྩལ་གྱིས་རྣམ་པར་གནོན
48a5 པ་དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་ཞེས་ཐ་སྙད་འདོགས་ཀྱང་། ཆོས་གང་བསྟན་པར་ཡང་ཐ་སྙད་གདགས་པར་བྱ་བ་མེད་དོ།། རབ་ཀྱི་རྩལ་གྱིས་རྣམ་པར་གནོན་པ།
48a6 འདི་ལྟ་སྟེ། དཔེར་ན་ནམ་མཁའ་ཞེས་ཐ་སྙད་འདོགས་ཀྱང་། ཆོས་གང་བསྟན་པར་ཡོངས་སུ་གྲུབ་ཅིང་ཐ་སྙད་གདགས་པ་མེད་དོ།། རབ་ཀྱི་རྩལ་གྱིས་རྣམ་པར་གནོན་པ།
48a7 དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་ཞེས་ཐ་སྙད་འདོགས་ཀྱང་། ཆོས་གང་བསྟན་པར་ཐ་སྙད་གདགས་པ་མེད་དོ།། རབ་ཀྱི་རྩལ་གྱིས་རྣམ་པར་གནོན་པ། འདི་ལྟ་སྟེ
iiif viewer powered by OpenSeadragon
