| e-texts navigator |
| Wylie |
47b1 འགྱུར་རོ། ། རབ་ཀྱི་རྩལ་གྱིས་རྣམ་པར་གནོན་པ། འདི་ལྟ་སྟེ། དཔེར་ན་ལྦུ་བ་རྡོས་པ་མཐོང་བའི་སྐྱེས་བུ་ལྦུ་བ་རྡོས་པའི་རང་བཞིན་བསྟན་ཀྱང་། ལྦུ་བ་རྡོས་པའི་རང་བཞིན
47b2 ནང་དང་ཕྱི་ནས་ཀྱང་མི་དམིགས་ན། དེ་བསྟན་པའི་རང་བཞིན་དམིགས་པར་ལྷ་ག་ལ་འགྱུར། རབ་ཀྱི་རྩལ་གྱིས་རྣམ་པར་གནོན་པ། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན
47b3 པ་སྟོན་ཀྱང་། ཤེས་རབ་ཀྱི་ཕ་རོལ་ཏུ་ཕྱིན་པའི་རང་བཞིན་ཡང་མི་དམིགས་སོ།། རབ་ཀྱི་རྩལ་གྱིས་རྣམ་པར་གནོན་པ། འདི་ལྟ་སྟེ། དཔེར་ན་ལཱུ་བྱ་དེ་ནི་ཆོས་གང་མངོན།
47b4 པར་འགྲུབ་པའི་རང་བཞིན་དུའང་མི་འགྲོའོ།། རབ་ཀྱི་རྩལ་གྱིས་རྣམ་པར་གནོན་པ། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པའང་ཆོས་གང་མངོན་པར་འགྲུབ་པའི་རང་བཞིན་དུའང
47b5 ཉེ་བར་མི་འགྲོའོ། ། རབ་ཀྱི་རྩལ་གྱིས་རྣམ་པར་གནོན་པ། འདི་ལྟ་སྟེ། དཔེར་ན་ཆུའི་ཆུ་བུར་གྱི་རང་བཞིན་སྟོན་ཀྱང་། ཆུའི་ཆུ་བུར་གྱི་རང་བཞིན་ཡང་མེད་ན། ཆུའི་བུར
47b6 གྱི་རང་བཞིན་བསྟན་པ་ལྟ་ག་ལ་ཡོད། རབ་ཀྱི་རྩལ་གྱིས་རྣམ་པར་གནོན་པ། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་སྟོན་ཀྱང་། ཤེས་རབ་ཀྱི་ཕ་རོལ་ཏུ་ཕྱིན་པའི་རང
47b7 བཞིན་མེད་དོ། ། རབ་ཀྱི་རྩལ་གྱིས་རྣམ་པར་གནོན་པ། འདི་ལྟ་སྟེ། དཔེར་ན་ཆུའི་ཆུ་བུར་ནི་ཆོས་གང་མངོན་པར་འགྲུབ་པ་འབྱུང་བར་ཉེ་བར་གནས་པ་མ་ཡིན་ནོ།། རབ་ཀྱི
iiif viewer powered by OpenSeadragon
