| e-texts navigator |
| Wylie |
47a1 དཔེར་ན་མིག་ཡོར་ནི་ཆོས་གང་བསྟན་པར་ཉེ་བར་གནས་པ་མ་ཡིན་ནོ།། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པའང་ཆོས་གང་བསྟན་པར་ཡང་ཉེ་བར་གནས
47a2 པ་མ་ཡིན་ནོ། ། རབ་ཀྱི་རྩལ་གྱིས་རྣམ་པར་གནོན་པ། འདི་ལྟ་སྟེ། དཔེར་ན་སྨིག་རྒྱུ་མཐོང་བའི་སྐྱེས་བུ་སྨིག་རྒྱུ་བཤད་པ་བསྟན་ཀྱང་། སྨིག་རྒྱུ་བསྟན་པ་གང་ཡང
47a3 མེད་ན། སྨིག་རྒྱུ་བསྟན་པའི་རང་བཞིན་ལྷ་ག་ལ་ཡོད། རབ་ཀྱི་རྩལ་གྱིས་རྣམ་པར་གནོན་པ། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་ཀྱང་། ཤེས་རབ
47a4 ཀྱི་ཕ་རོལ་ཏུ་ཕྱིན་པའི་རང་བཞིན་བསྟན་པ་གང་ཡང་མེད་དོ། ། རབ་ཀྱི་རྩལ་གྱིས་རྣམ་པར་གནོན་པ། འདི་ལྟ་སྟེ། དཔེར་ན་སྨིག་རྒྱུ་ནི་ཆོས་གང་ཡང་བསྟན་པར་ཡང་ཉེ་བར
47a5 གནས་པ་མ་ཡིན་ནོ། ། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པའང་ཆོས་གང་བསྟན་པར་ཡང་ཉེ་བར་གནས་པ་མ་ཡིན་ནོ།། རབ་ཀྱི་རྩལ་གྱིས་རྣམ་པར་གནོན་པ། འདི་ལྟ་སྟེ། དཔེར་ན་བྲག
47a6 ཆའི་སྤྱོད་ཡུལ་ལ་གནས་པའི་སྐྱེས་བུས་བྲག་ཆའི་སྒྲ་ཐོས་ཀྱི། དེ་ནི་མི་མཐོང་སྟེ། ནམ་བདག་གིས་སྒྲ་ཕྱུང་བ་དེའི་ཚེ་སྒྲ་དེ་ཐོས་སོ།། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན
47a7 པ་བསྟན་པའི་ཚིག་ཐོས་པར་འགྱུར་ཡང་། ཆོས་གང་བསྟན་པ་ཐོས་པར་འགྱུར་བ་མེད་དེ། གཞན་དུ་ན་ནམ་མངོན་པར་བཤད་པ་དེའི་ཚེ། ཀུན་ཤེས་ཤིང་ཐོས་པའི་ལམ་དུ
iiif viewer powered by OpenSeadragon
