| e-texts navigator |
| Wylie |
35b1 ལའང་ཤེས་པ་པོའང་མེད། ཤེས་པར་བྱེད་དུ་འཇུག་པའང་མེད་པ་གང་ཡིན་པ་དེ་ཤེས་རབ་ཀྱི་ཕ་རོལ་ཏུ་ཕྱིན་པའོ།། རབ་ཀྱི་རྩལ་གྱིས་རྣམ་པར་གནོན་པ། གཟུགས་ལ་ཚོར
35b2 བ་པོ་འམ། ཚོར་བར་བྱེད་དུ་འཇུག་པ་གང་ཡང་མེད་དོ།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་ཚོར་བ་པོ་འམ། ཚོར
35b3 བར་བྱེད་དུ་འཇུག་པ་གང་ཡང་མེད་དེ། གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་ཚོར་བ་པོའང་མེད། ཚོར་བར
35b4 བྱེད་དུ་འཇུག་པའང་མེད་པ་གང་ཡིན་པ་དེ་ཤེས་རབ་ཀྱི་ཕ་རོལ་ཏུ་ཕྱིན་པའོ། ། རབ་ཀྱི་རྩལ་གྱིས་རྣམ་པར་གནོན་པ། གཟུགས་ལ་ཤེས་པ་པོ་འམ། མཐོང་བ་པོ་གང་ཡང་མེད་དོ།།
35b5 དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལའང་ཤེས་པ་པོ་འམ། མཐོང་བ་པོ་གང་ཡང་མེད་དེ། གཟུགས་དང་། ཚོར
35b6 བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་ཤེས་པ་པོའང་མེད། མཐོང་བ་པོའང་མེད་པ་གང་ཡིན་པ་དེ་ཤེས་རབ་ཀྱི་ཕ་རོལ་ཏུ་ཕྱིན་པའོ།།
35b7 རབ་ཀྱི་རྩལ་གྱིས་རྣམ་པར་གནོན་པ། གཟུགས་ལ་ནི་ཆད་པ་འམ། རྟག་པ་མེད་དོ།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་།
iiif viewer powered by OpenSeadragon
