| e-texts navigator |
| Wylie |
26b1 བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ནི། ཆོས་རིན་པོ་ཆེའི་མཛོད་འདི་ཚོལ་བ་སྟེ། ཆོས་རིན་པོ་ཆེ་དམིགས་སུ་མེད་པ། སྟོང་པ་ཉིད་དང་ལྡན་པ། སངས་རྒྱས
26b2 ཀྱི་ཆོས་དང་ལྡན་པ་འདི་འདོད་ཅིང་བཟོད་དེ། དེ་དག་ངེས་བྱ་བ་བྱེད་དོ།། སེམས་ཅན་དབུལ་པོ་ཐོས་པ་དང་བྲལ་བ། ཐོས་པ་ཉམས་པ། མིག་དང་མི་ལྡན་པའི་བྱིས་པ་དེ
26b3 ངག་ནི། ཆོས་རིན་པོ་ཆེའི་མཛོད་རྙེད་ཀྱང་ཅི་ཞིག་བྱ་ཞེས་འདོར་ཞིང་། གཞན་ལ་སྦྱིན་པར་སེམས་སོ།། ཀུན་དགའ་བོ། གདོལ་པ་དང་། གཡུང་པོ་དང་། སྒྱུ་མ
26b4 མཁན་དང་། དབུལ་པོས་འཚོ་བའི་སེམས་ཅན་གང་གཞན་ལ་ལས་རིན་པོ་ཆེའི་མཛོད་རྙེད་ན་བདག་མི་སྤྱོད་དེ། རིན་ཐང་ཆུང་ངུར་འཚོང་ཞིང་འདོར་རོ།། ཀུན་དགའ་བོ།།
26b5 སེམས་ཅན་དབུལ་པོ་ཞེས་བྱ་བ་དེ་ནི་མུ་སྟེགས་ཅན་ཐམས་ཅད་དང་། གང་དག་མུ་སྟེགས་ཅན་གྱི་ཉན་ཐོས་རྣམས་ཀྱི་ཚིག་བླ་དགས་སོ།། ཀུན་དགའ་བོ། སེམས་ཅན
26b6 དབུལ་པོ་ཞེས་བྱ་བ་དེ་ནི་བྱིས་པ་སོ་སོའི་སྐྱེ་བོ་ལྟ་བའི་འདམ་དུ་བྱིང་བ། དམིགས་པ་ཅན། འཆིང་བ་ལ་མངོན་པར་ཞེན་པ། མཚན་མ་ལ་སྤྱོད་པ། ལམ་ལོག་པར
26b7 སོང་བ་རྣམས་ཀྱི་ཚིག་བླ་དགས་ཏེ། དེ་དག་ནི་ཆོས་རིན་པོ་འདི་རྙེང་ན་ཀུན་ཏུ་སྤྱོད་མི་ནུས་ཤིང་འདོར་ཏེ། དོན་མེད་པར་ཡང་གཞན་ལའང་སྦྱིན་པར་བྱེད་དེ། ཀུན་དགའ་བོ
iiif viewer powered by OpenSeadragon
