| e-texts navigator |
| Wylie |
25b1 དོ། ། ཐོས་ནས་རབ་ཏུ་དགའ་ཞིང་མགུ་སྟེ་བདེ་བར་ཤེས་སོ།། ཀུན་དགའ་བོ། དེ་བཞིན་གཤེགས་པས་དོན་གྱི་དབང་འདི་ལ་བརྟེན་ཏེ། བསམ་པ་དག་པའི་འཁོར་དུ་སེང་གེའི
25b2 སྒྲ་ཆེན་པོ་སྒྲོག་ཅིང་། ཆོས་ཀྱི་ཆར་ཆེན་པོ་འབེབས་སོ།། ཀུན་དགའ་བོ། འདི་ལྟ་སྟེ། དཔེར་ན་འཁོར་ལོ་སྒྱུར་བའི་རྒྱལ་པོ་རིན་པོ་ཆེའི་མཛོད་མང་པོ་བསམ་པ་དང་ལྡན་པ
25b3 དེས། བུ་མང་པོ་རིགས་དང་ལྡན་ཞིང་། རྒྱུད་ཀྱིས་ཀྱང་དག་པ་དེ་དག་ཐམས་ཅད་བཀུག་ནས་རིན་པོ་ཆེའི་མཛོད་བགོས་ཏེ། བུ་གང་ལའང་མི་བསླུ་བར་བྱིན་ནོ།། དེ་ལྟར་བགོས
25b4 པ་དེ་དག་འཁོར་ལོ་སྒྱུར་བའི་རྒྱལ་པོ་དེ་དགའ་བ་དང་མགུ་བ་ཆེན་པོ་ལྷག་པར་སྐྱེས་ནས་འཁོར་ལོ་སྒྱུར་བའི་རྒྱལ་པོ་དང་དོན་མཚུངས་པར་གྱུར་ཏོ་སྙམ་སྟེ། བདག་བདེ་བར་ཤེས་སོ།།
25b5 ཀུན་དགའ་བོ་དེ་བཞིན་དུ་དེ་བཞིན་གཤེགས་པ་ཆོས་ཀྱི་རྒྱལ་པོ། ཆོས་ཀྱི་བདག་པོ་རང་བྱུང་གིས་ཀྱངངོ་སྲས་དེ་དག་བསྡུས་ནས། ཆོས་རིན་པོ་ཆེའི་མཛོད་འདི་མཉམ་པར་བགོས
25b6 ཏེ། སྲས་དེ་དག་གང་ལའང་མི་སླུ་བས། དེ་དག་གང་ལ་དགའ་བ་དང་། མགུ་བ་དང་། གུས་པ་ཆེར་སྐྱེད་ཅིང་། དོན་མཐུན་པ་སངས་རྒྱས་ཀྱི་རིགས་མི་གཅོད་པར
25b7 གནས་སོ། ། ཀུན་དགའ་བོ། སེམས་ཅན་གཞན་དམན་པ་ལ་མོས་པ། ང་རྒྱལ་ཅན་ལྟ་བ་ལ་སྤྱོད་པ། མཚན་མ་ལ་སྤྱོད་པ། དམིགས་པ་ལ་སྤྱོད་པ། ངའོ་སྙམ
iiif viewer powered by OpenSeadragon
