| e-texts navigator |
| Wylie |
24a1 ངག་ཆོས་ཐམས་ཅད་དང་རྗེས་སུ་འཐུན་པར་གནས་ཏེ། མི་མཐུན་པར་ནི་མ་ཡིན་པའི་ཕྱིར་རོ།། དེ་དག་གིས་གང་དང་གང་ལ་ཆོས་འདྲི་བ་དེ་དང་དེས་རྗེས་སུ་འཐུན
24a2 པར་ལན་འདེབས་ཤིང་། རྗེས་སུ་འཐུན་པར་སྨྲ་བར་བྱེད་དོ།། དེ་ནས་བཅོམ་ལྡན་འདས་ཀྱིས། ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་བཀའ་སྩལ་ཏོ།། ཀུན
24a3 དགའ་བོ་ཇི་ལྟར་ཤཱ་རིའི་བུ་འདིས་བཤད་པ་དེ་དེ་བཞིན་ཏེ། ཀུན་དགའ་བོ་ཆོས་བསྟན་པ་འདི་དང་། སངས་རྒྱས་ཀྱི་བྱང་ཆུབ་དང་རྗེས་སུ་འཐུན་པའི་སངས་རྒྱས་ཀྱི་བྱང་ཆུབ་འདི་ནི
24a4 ང་རྒྱལ་ཅན་རྣམས་ཀྱི་ས་མ་ཡིན། འཇུག་པའི་ཡུལ་མ་ཡིན་ཏེ། ཀུན་དགའ་བོ། སངས་རྒྱས་ཀྱི་ཆོས་རྒྱ་ཆེན་པོ་ལ་ནི་དམན་པ་ལ་མོས་པའི་སེམས་ཅན་རྣམས་ཀྱི་སེམས་མི
24a5 འཇུག་གོ། ། ཀུན་དགའ་བོ། དམན་པ་ལ་མོས་པ་ང་རྒྱལ་ཅན་རྣམས་ནི་ང་རྒྱལ་གྱི་དབང་གིས་འགྲོ་བས། དེ་དག་སངས་རྒྱས་ཀྱི་བྱང་ཆུབ་ལ་མི་མཐུན་པར་གནས་སོ།། ཀུན་དགའ
24a6 བོཿའཁོར་འདི་ནི་གཙང་མ་སྟེ། སྔོན་གྱི་རྒྱལ་བ་རྣམས་ལ་བྱ་བ་བྱས་ཤིང་། དགེ་བའི་རྩ་བ་བསྐྱེད་པ། སངས་རྒྱས་མང་པོ་ལ་བསྙེན་བཀུར་བྱས་པ། ཟབ་མོ་ལ་མོས་པ།
24a7 ཟབ་མོ་སྤྱོད་པ་སྟེ། ཀུན་དགའ་བོ། འཁོར་འདི་ལ་དེ་བཞིན་གཤེགས་པས་ཡིད་བསྟན་ནས། ཆོས་མངོན་པར་སྟོན་གྱིས། རྗེས་སུ་སྲུང་པོའི་ཆོས་ནི་ཅུང་ཟད་ཀྱང་མི་སྔོན་ནོ།།
iiif viewer powered by OpenSeadragon
