| e-texts navigator |
| Wylie |
23b1 ཚེ་དང་ལྡན་པ་ཀུན་དགའ་བོ། འདི་ནི་བྱིས་པ་སོ་སོའི་སྐྱེ་བོ་ཐམས་ཅད་ཀྱིས་ཤེས་ཤིང་རྟོགས་པ་མ་ཡིན་ནོ།། ཚེ་དང་ལྡན་པ་ཀུན་དགའ་བོ། ཉན་ཐོས་ཀྱི་ཐེག་པ་ཅན་རྣམས་ཀྱིས
23b2 ཀྱང་མི་རྟོགས་སོ། ། འདི་ནི་གང་རང་སངས་རྒྱས་ཀྱི་ཐེག་པ་ཅན་ཆོས་ཟབ་མོ་ལ་སྤྱོད་པ་དེ་དག་གིས་ཀྱང་མི་རྟོགས་སོ།། ཚེ་དང་ལྡན་པ་ཀུན་དགའ་བོ།། བྱང་ཆུབ་སེམས་དཔའི་ཐེག་པ་ཅན
23b3 གང་དག་མཚན་མ་ལ་སྤྱོད་པ། དགེ་བའི་བཤེས་གཉེན་གྱིས་ཡོངས་སུ་མ་ཟིན་པ། སྡིག་པའི་གྲོགས་པོའི་ལག་ཏུ་སོང་བ་དེ་དག་ཀྱང་། ཆགས་པ་མེད་པའི་ཆོས་འདི་དག་མི་རྟོགས
23b4 ཤིང་ཡུལ་མ་ཡིན་ཏེ། ཚེ་དང་ལྡན་པ་ཀུན་དགའ་བོ།། ཉན་ཐོས་ཀྱི་ཐེག་པ་ཅན་བདེན་པ་མཐོང་བ་དང་། བྱང་ཆུབ་སེམས་དཔའི་ཐེག་པ་ཅན་དགེ་བའི་བཤེས་གཉེན་གྱིས་བསྟན་པ
23b5 ཆོས་ཟབ་མོ་ལ་མོས་པ། གང་ཆོས་འདི་དག་ལ་འཐུན་པར་སྤྱོད་པ་དང་། གང་ཆོས་འདི་ཁོང་དུ་ཆུད་ཅིང་། སྤྱོད་པ་རྣམས་ནི་མ་གཏོགས། ཀུན་དགའ་བོ། བྱང་ཆུབ་སེམས
23b6 དཔའ་མཚན་མ་དང་བྲལ་བ། མཚན་མ་མེད་པ་ལ་སྤྱོད་པ། སྣ་ཚོགས་མེད་པ་ལ་སྤྱོད་པ། ཟབ་མོའི་ཆོས་ཤིན་ཏུ་མཐར་ཕྱིན་པ། གང་དག་སེམས་དང་བྱང་ཆུབ་ཀྱང་མི་དམིགས
23b7 ཤིང་ཆོས་གང་ཡང་ཐ་དད་དུ་མི་བྱེད་ལ། ཡང་དག་པར་རྗེས་སུ་མི་མཐོང་བ་དེ་དག་ནི། འདི་ལྟ་བུའི་ཆོས་ལ་རྨོངས་པར་མི་འགྱུར། ཐེ་ཙོམ་མི་ཟའོ།། ཅིའི་ཕྱིར་ཞེ་ན།
iiif viewer powered by OpenSeadragon
