| e-texts navigator |
| Wylie |
23a1 གང་དག་ང་རྒྱལ་མི་དམིགས་ཤིང་། ཡང་དག་པར་མི་མཐོང་ལ། རློམ་སེམས་སུ་མི་བྱེད་ཅིང་། མངོན་པར་མི་ཞེན་པ་དེ་དག་ནི་གང་ལའང་མི་སྐྲག། གང
23a2 ལའང་མི་དངང་། གང་ལའང་དངང་བར་མི་འགྱུར་རོ།། ཚེ་དང་ལྡན་པ་ཀུན་དགའ་བོ། ང་རྒྱལ་ཅན་རྣམས་ཀྱི་ཕྱིར་ཆོས་བསྟན་པ་འདི་ཞུས་པ་མ་ཡིན་ནོ།། ཚེ་དང་ལྡན་པ་ཀུན་དགའ
23a3 བོའདི་ནི་ང་རྒྱལ་ཅན་རྣམས་ཀྱི་ཡུལ་མ་ཡིན་ཏེ། གོ་སྐབས་མེད་དོ།། གང་དག་ང་རྒྱལ་སྤོང་བའི་ཕྱིར་བརྩོན་ཞིང་འབད་པ་དེ་དག་ནི། ཡང་དག་པར་འབད་པ་མ་ཡིན་ནོ།།
23a4 ཚེ་དང་ལྡན་པ་ཀུན་དགའ་བོ། ང་རྒྱལ་ཞེས་བྱ་བ་དེ་ནི། ལྷག་པར་བྱེད་པ་སྒྲོ་འདོགས་པའི་ཚིག་བླ་དགས་སོ།། གང་དག་ང་རྒྱལ་ལ་སྤྱོད་ཅིང་ལྷག་པར་བྱེད་པ་སྒྲོ་འདོགས་པར་སྤྱོད
23a5 པ་དེ་དག་ནི་མཚུངས་པར་མི་སྤྱོད་དོ། ། མཚུངས་པར་སྤྱོད་པའང་ཆོས་འདི་ལ་ཐེ་ཙོམ་ཟའོ།། ཚེ་དང་ལྡན་པ་ཀུན་དགའ་བོ། གང་དག་མཉམ་པའང་མི་དམིགས། མི་མཉམ་པའང
23a6 མ་ཡིན། མཉམ་པར་ཡང་རློམ་སེམས་མི་བྱེད། མི་མཉམ་པར་ཡང་མ་ཡིན། མཉམ་པར་ཡང་མངོན་པར་མི་ཞེ་ན། མི་མཉམ་པར་ཡང་མ་ཡིན་པ་དེ་དག་ནི། གང
23a7 ལའང་མི་སྐྲག། མི་དངང་། དངང་བར་མི་འགྱུར་རོ།། ཚེ་དང་ལྡན་པ་ཀུན་དགའ་བོ། འདི་ནི་བྱིས་པ་སོ་སོའི་སྐྱེ་བོ་ཐམས་ཅད་ཀྱི་ཡུལ་མ་ཡིན་ཏེ། མི་རྟོགས་སོ།།
iiif viewer powered by OpenSeadragon
