| e-texts navigator |
| Wylie |
20a1 ཞེས་བྱའོ། ། གང་གི་ཕྱིར་མངོན་པར་འདུ་བྱེད་པ་དེའི་ཕྱིར། བྱང་ཆུབ་ཏུ་སེམས་བསྐྱེད་དེ། དེ་བས་ན་མངོན་པར་འདུ་བྱེད་པ་ནི་སེམས་ཅན་ཞེས་བྱ་སྟེ།
20a2 བྱང་ཆུབ་སེམས་དཔའ་མ་ཡིན་ནོ།། དེ་ཅིའི་ཕྱིར་ཞེ་ན། དེ་དག་ནི་སེམས་ཅན་སྐྱེས་པ་ཞེས་བྱ་བའི་ཕྱིར་རོ།། རབ་ཀྱི་རྩལ་གྱིས་རྣམ་པར་གནོན་པ། བྱང་ཆུབ་ནི་མ་སྐྱེས་ཤིང
20a3 བྱང་ཆུབ་ནི་བསམ་དུ་མེད་པས། བྱང་ཆུབ་ཀྱི་ཕྱིར་སེམས་པར་མི་ནུས་སོ།། རབ་ཀྱི་རྩལ་གྱིས་རྣམ་པར་གནོན་པ། དེ་དག་ནི་སྐྱེ་བ་ཉིད་ལ་མངོན་པར་ཞེན་ཀྱང་། དེ་དག་སྐྱེ་བ་རབ་ཏུ
20a4 མི་ཤེས་སོ། ། རབ་ཀྱི་རྩལ་གྱིས་རྣམ་པར་གནོན་པ། སྐྱེ་བ་མཉམ་པ་ཉིད་གང་ཡིན་པ་དེ་ནི་ཡང་དག་པ་ཉིད་དོ།། སེམས་མཉམ་པ་ཉིད་གང་ཡིན་པ་དང་། ཡང་དག་པ་ཉིད་གང་ཡིན
20a5 པ་དང་། མཉམ་པ་ཉིད་གང་ཡིན་པ་དང་། ཡང་དག་པ་ཉིད་དེ་ནི་བྱང་ཆུབ་སྟེ། གང་ན་ཡང་དག་པ་ཇི་ལྟ་བ་ཉིད་ཡོད་པ་དེ་ན། རྣམ་པར་རྟོག་པ་གང་ཡང་མེད་ན། དེ་དག་ནི
20a6 སེམས་དང་བྱང་ཆུབ་ལ་རྣམ་པར་བརྟགས་ཏེ། གཉིས་སུ་མངོན་པར་ཞེན་ནས། བྱང་ཆུབ་ཀྱི་ཕྱིར་སེམས་བསྐྱེད་དོ།། རབ་ཀྱི་རྩལ་གྱིས་རྣམ་པར་གནོན་པ། སེམས་ཀྱང
20a7 གཞན་མ་ཡིན། བྱང་ཆུབ་ཀྱང་གཞན་མ་ཡིན། སེམས་ལ་བྱང་ཆུབ་མེད། བྱང་ཆུབ་ལའང་སེམས་མེད་དེ། བྱང་ཆུབ་གང་ཡིན་པ་དང་། སེམས་གང་ཡིན་པ་དེ་ནི
iiif viewer powered by OpenSeadragon
