| e-texts navigator |
| Wylie |
19b1 ཕྱིན་ཅི་ལོག་མ་ཡིན་པར་རོ། ། ཇི་ལྟར་བྱིས་པ་སོ་སོའི་སྐྱེ་བོ་དག་གིས་བརྟགས་པ་དེ་དག་ནི་དེ་བཞིན་དུ་མ་ཡིན་ནོ།། ཇི་ལྟར་བྱིས་པ་སོ་སོའི་སྐྱེ་བོ་དག་གིས་རྙེད་པ་དེ་དག་དེ་བཞིན་དུ་མ་ཡིན
19b2 ཏེ། དེའི་ཕྱིར་བྱང་ཆུབ་སེམས་དཔའ་ཞེས་བྱའོ།། དེ་ཅིའི་ཕྱིར་ཞེ་ན། བྱང་ཆུབ་ནི་མ་བརྟགས་རྣམ་པར་བརྟགས་ཤིང་། བྱང་ཆུབ་མངོན་པར་མ་བསྒྲུབས་ལ། མི་དམིགས་པའི
19b3 ཕྱིར་རོ། ། རབ་ཀྱི་རྩལ་གྱིས་རྣམ་པར་གནོན་པ། དེ་བཞིན་གཤེགས་པས་ནི་བྱང་ཆུབ་མ་བརྙེས་སོ།། ཆོས་ཐམས་ཅད་མི་རྙེད་ཅིང་། ཆོས་ཐམས་ཅད་མི་དམིགས་པའི་ཕྱིར་བྱང
19b4 ཆུབ་ཅེས་བྱའོ། ། དེ་ལྟ་བུ་ནི་སངས་རྒྱས་ཀྱི་བྱང་ཆུབ་ཅེས་བྱ་སྟེ། ཇི་སྐད་དུ་བརྗོད་པ་བཞིན་དུ་ནི་མ་ཡིན་ནོ།། རབ་ཀྱི་རྩལ་གྱིས་རྣམ་པར་གནོན་པ། གང་དག་བྱང་ཆུབ་ཀྱི་ཕྱིར
19b5 སེམས་འོད་བསྐྱེད་པར་བྱའོ། ། ཞེས་བྱང་ཆུབ་ཏུ་སེམས་བསྐྱེད་པ་དང་། གང་དུ་བདག་གིས་སེམས་བསྐྱེད་པར་བྱ་བའི་བྱང་ཆུབ་དེ་ཡོད་དོ།། ཞེས་བྱང་ཆུབ་རློམ་སེམས་སུ་བྱེད
19b6 པ་དེ་དག་ནི། བྱང་ཆུབ་སེམས་དཔའ་ཞེས་མི་བྱ་སྟེ། དེ་དག་ནི་སེམས་ཅན་སྐྱེས་པ་ཞེས་བྱའོ།། དེ་ཅིའི་ཕྱིར་ཞེ་ན། འདི་ལྟར་དེ་དག་ནི་སྐྱེ་བར་མངོན་པར་ཞེན་ཅིང
19b7 སེམས་སུ་མངོན་པར་ཞེན་ནས། བྱང་ཆུབ་ལ་མངོན་པར་ཞེན་པའི་ཕྱིར་རོ།། གང་དག་བྱང་ཆུབ་ཀྱི་ཕྱིར་སེམས་བསྐྱེད་པ་དེ་དག་ནི། བྱང་ཆུབ་ཀྱི་སེམས་ལ་མངོན་པར་ཞེན་པ
iiif viewer powered by OpenSeadragon
