| e-texts navigator |
| Wylie |
18a1 རབ་ཏུ་ཤེས་པ་དེ་དག་སླར་ཡང་དག་པ་མ་ཡིན་པའི་དམིགས་པ་ལ་མི་སྤྱོད་ཅིང་། དེ་དག་ནི་ཕྱིར་ཆོས་གང་ཡང་རློམ་སེམས་སུ་མི་བྱེད་དེ། དེའི་ཕྱིར་སྤྱོད་པ་མེད་པ་ནི།།
18a2 བྱང་ཆུབ་སེམས་དཔའི་སྤྱོད་པ་ཞེས་བྱའོ།། བྱང་ཆུབ་སེམས་དཔའ་ནི་རྟོག་པ་དང་རྣམ་པར་རྟོག་པ་ལ་མི་སྤྱོད་དོ།། གང་ལ་རྟོག་པ་མེད་པ་དེ་ལ་སྤྱོད་པ་གང་ཡང་མེད་དོ།། གང་ལ་རྣམ
18a3 པར་རྟོག་པ་མེད་པ་དེ་ལ་སྤྱོད་པའི་དོན་གང་ཡང་མེང་ངོ་། ། སངས་རྒྱས་དང་བྱང་ཆུབ་སེམས་དཔའ་རྣམས་ཀྱི་སྤྱོད་པ་ཐམས་ཅད་ནི་རྣམ་པར་མི་རྟོག་པར་སྤྱོད་ཅིང་། ཐམས་ཅད་རློམ
18a4 སེམས་མེད་ལ། དམིགས་པ་དང་བཅས་པ་མ་ཡིན་པ་སྟེ། ཆོས་ཐམས་ཅད་དེ་ལྟར་རབ་ཏུ་ཤེས་པ་དེ་ནི། ཕྱིར་དམིགས་པ་འམ། རྣམ་པར་རྟོག་པ་ལ་སྤྱོད་པའམ།
18a5 རྣམ་པར་སྤྱོད་པ་མེད་དེ། དེ་ནི་སྤྱོད་པ་མེད་པའི་ཚུལ་གྱིས། བྱང་ཆུབ་སེམས་དཔའ་རྣམས་ཀྱི་སྤྱོད་པ་ཞེས་བྱའོ།། རབ་ཀྱི་རྩལ་གྱིས་རྣམ་པར་གནོན་པ། དེ་ལྟར་ན་བྱང་ཆུབ
18a6 སེམས་དཔའ་བྱང་ཆུབ་སེམས་དཔའི་སྤྱོད་པ་ལ་སྤྱོད་པ་ཡིན་ནོ། ། རབ་ཀྱི་རྩལ་གྱིས་རྣམ་པར་གནོན་པོ། གང་དེ་ལྟར་ཆོས་ཁོང་དུ་ཆུད་ཅིང་། རབ་ཏུ་རྟོགས་པ་དེའི་ཕྱིར། བྱང
18a7 ཆུབ་སེམས་དཔའ་ཞེས་བྱའོ། ། དེས་སེམས་ཅན་དུ་འདུ་ཤེས་བསལ་བས། སེམས་ཅན་མེད་པ་ཞེས་བྱ་བ་དེ་ནི། བྱང་ཆུབ་སེམས་དཔའི་ཚིག་བླ་དགས་སོ།། དེ་ཅིའི་ཕྱིར་ཞི
iiif viewer powered by OpenSeadragon
