| e-texts navigator |
| Wylie |
17b1 འདི་ལྟ་སྟེ། བྱང་ཆུབ་སེམས་དཔའི་ས་ཞེས་བྱ་བ་དེ་ནི་ཚིག་གི་ལས་ཙམ་མ་ཡིན་ནོ།། ཚིག་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར
17b2 ནུས་སོ། ། ཚིག་གི་ལས་ཀྱི་བྱང་ཆུབ་དང་། བྱང་ཆུབ་སེམས་དཔའི་ཆོས་རྣམས་ཐོབ་པར་མི་འགྱུར་རོ།། རབ་ཀྱི་རྩལ་གྱིས་རྣམ་པར་གནོན་པ། སེམས་ཅན་ཐམས་ཅད་ནི་བྱང
17b3 ཆུབ་ལ་སྤྱོད་མོད་ཀྱི། མི་ཤེས་ཤིང་ཁོང་དུ་མ་ཆུད་དེ། དེའི་ཕྱིར་དེ་དག་བྱང་ཆུབ་སེམས་དཔའ་ཞེས་མི་བྱའོ།། དེ་ཅིའི་ཕྱིར་ཞེ་ན། སེམས་ཅན་རྣམས་སེམས་ཅན་མེད་པར་མི
17b4 ཤེས་པའི་ཕྱིར་རོ། ། གལ་ཏེ་དེ་ལྟར་ཤེས་ན་བདག་གིས་སྤྱོད་པ་དག་གིས། བྱང་ཆུབ་སེམས་དཔའ་དག་ཏུ་འགྱུར་བའི་རིགས་སོ།། སེམས་ཅན་ཐམས་ཅད་ནི་ཕྱིན་ཅི་ལོག་པས་རང
17b5 གི་སྤྱོད་པ་དང་། རང་གི་ཡུལ་དང་། རང་གི་སྤྱོད་ཡུལ་རབ་ཏུ་མི་ཤེས་སོ།། གལ་ཏེ་རང་གི་སྤྱོད་པ་རབ་ཏུ་ཤེས་ན་ནི། དེ་དག་སླར་གང་ལའང་རྣམ་པར་རྟོག་ཅིང་སྤྱོད་པར་མི་འགྱུར།
17b6 རོ། རྣམ་པར་རྟོག་པ་དང་སྤྱོད་པ་དེ་དག་གིས་བྱིས་པ་སོ་སོའི་སྐྱེ་བོ་ཐམས་ཅད་ཡང་དག་པར་ཡིན་པོ་ལ་དམིགས་ཤིང་སྤྱོད་ཀྱང་། དེ་དག་བྱང་ཆུབ་ལ་དམིགས་པ་སྙམ་དུ་རློམ་སེམས
17b7 སུ་བྱེད་དེ། དམིགས་པ་ལ་སྤྱོད་ཅིང་། རྟོག་པ་ལ་སྤྱོད་པ་དེ་དག་ལ་བྱང་ཆུབ་ག་ལ་ཡོད། བྱང་ཆུབ་སེམས་དཔའི་ཆོས་རྣམས་ག་ལ་ཡོད། གང་གིས་ཆོས་དེ་ལྟ་བུར
iiif viewer powered by OpenSeadragon
