| e-texts navigator |
| Wylie |
17a1 བཞིན་དུ་མཐོང་བའི་ཚིག་བླ་དྭགས་སོ། ། དེ་ལ་ཅིའང་བསལ་བ་འམ། གཞག་པར་མི་ནུས་ཏེ། གང་དེ་ལྟར་ཁོང་དུ་ཆུད་པ་དེ་ནི་བྱང་ཆུབ་ཅེས་བྱའོ།། རབ་ཀྱི་རྩལ
17a2 གྱིས་རྣམ་པར་གནོན་པ། བྱང་ཆུབ་ཅེས་བྱ་བ་དེ་ནི་སངས་རྒྱས་ཀྱི་མཚན་ཉིད་དོ།། སངས་རྒྱས་ཀྱི་མཚན་ཉིད་ཇི་ལྟ་བུ་ཞེ་ན། ཆོས་ཐམས་ཅད་ཀྱི་མཚན་ཉིད། མཚན་ཉིད་མེད་པ་དེ་ནི
17a3 སངས་རྒྱས་ཀྱི་མཚན་ཉིད་དོ། ། བྱང་ཆུབ་ནི་མཚན་ཉིད་མེད་པ་སྟེ། མཚན་ཉིད་ཀྱི་རང་བཞིན་ལས་བཟློག་པའོ།། གང་དེ་ལྟར་ཁོང་དུ་ཆུད་པ་དེ་ནི་བྱང་ཆུབ་ཅེས་བྱ་སྟེ། ཇི་སྐད་དུ་བརྗོད
17a4 པ་བཞིན་དུ་ནི་མ་ཡིན་ནོ། ། རབ་ཀྱི་རྩལ་གྱིས་རྣམ་པར་གནོན་པ། དེ་ནི་ཆོས་ཐམས་ཅད་རྗེས་སུ་རྟོགས་པས། བྱང་ཆུབ་སེམས་དཔའ་ཞེས་བྱའོ།། རབ་ཀྱི་རྩལ་གྱིས་རྣམ་པར
17a5 གནོན་པ། གང་ལ་ལ་ཞིག་ཆོས་འདི་རབ་ཏུ་མི་ཤེས། ཁོང་དུ་མ་ཆུད་པར། བདག་བྱང་ཆུབ་སེམས་དཔའ་ཞེས་ཁས་འཆེན། དེ་ནི་བྱང་ཆུབ་སེམས་དཔའི་ས་ལས་རིང་ངོ་།།
17a6 དེ་ནི་བྱང་ཆུབ་སེམས་དཔའི་ཆོས་རྣམས་ལས་རིང་ངོ་།། དེ་ནི་བྱང་ཆུབ་སེམས་དཔའི་མིང་གིས་ལྷ་དང་། མི་དང་། ལྷ་མ་ཡིན་དང་བཅས་པའི་འཇིག་རྟེན་ལ་བསླུ་བའོ།། རབ་ཀྱི
17a7 རྩལ་གྱིས་རྣམ་པར་གནོན་པ། བྱང་ཆུབ་སེམས་དཔར་གྱུར་ན་ནི། དེའི་ཕྱིར་སེམས་ཅན་ཐམས་ཅད་ཀྱང་བྱང་ཆུབ་སེམས་དཔར་འགྱུར་རོ།། རབ་ཀྱི་རྩལ་གྱིས་རྣམ་པར་གནོན་པ།
iiif viewer powered by OpenSeadragon
