| e-texts navigator |
| Wylie |
16b1 དེས། སངས་རྒྱས་ཀྱི་ཆོས་ཀྱང་བྲི་བ་མ་ཡིན། གང་བ་མ་ཡིན་ནོ།། དེ་ལྟར་ཆོས་ཐམས་ཅད་ཁོང་དུ་ཆུད་པའི་ཕྱིར། སངས་རྒྱས་ཀྱི་ཆོས་རྣམས་བྲི་བ་མེད་ཅིང་། གང་བ
16b2 མེད་པའོ། ། ཆོས་ཐམས་ཅད་བྲི་བ་མེད་ཅིང་། གང་བ་མེད་པའི་ཕྱིར། སངས་རྒྱས་ཀྱི་ཆོས་ཤེས་བྱ་བ་དེ་ནི། སངས་རྒྱས་ཀྱི་ཆོས་ཀྱི་ཚིག་བླ་དགས་མ་ཡིན་ནོ།། སངས
16b3 རྒྱས་ཀྱི་ཆོས་ནི་གང་གིས་ཀྱང་བྲི་བ་འམ། གང་བར་བྱ་བར་མི་ནུས་སོ།། དེ་ཅིའི་ཕྱིར་ཞེ་ན། འདི་ནི་ཆོས་ཐམས་ཅད་ཁོང་དུ་ཆུད་པའི་ཕྱིར་ཏེ། གང་ཆོས་ཐམས་ཅད་ཁོང་དུ
16b4 ཆུད་པ་དེ་ལ་བྲི་བ་འམ། གང་བའི་ཆོས་ཅིའང་མེད་དོ།། ཆོས་ཐམས་ཅད་ཅེས་བྱ་བ་དེ་ནི་ཆོས་ཀྱི་དབྱིངས་ཀྱི་ཚིག་བླ་དགས་ཏེ། ཆོས་ཀྱི་དབྱིངས་ལ་བྲི་བ་འམ། གང་བ་མེད
16b5 དོ། ། དེ་ཅིའི་ཕྱིར་ཞེ་ན། ཆོས་ཀྱི་དབྱིངས་ནི་མཐའ་ཡས་པའི་ཕྱིར་རོ།། སེམས་ཅན་གྱི་ཁམས་དང་ཆོས་ཀྱི་དབྱིངས་ནི་ཐ་དད་དུ་མི་དམིགས་སོ།། སེམས་ཅན་གྱི་ཁམས་དང་ཆོས
16b6 ཀྱི་དབྱིངས་བྲི་བ་འམ། གང་བར་དམིགས་པ་འམ། ཡོད་པ་མ་ཡིན་ཏེ། གང་གིས་དེ་ལྟར་ཁོང་དུ་ཆུད་པ་དེ་ནི་བྱང་ཆུབ་ཅེས་བྱའོ།། དེའི་ཕྱིར་སངས་རྒྱས་ཀྱི་ཆོས་རྣམས་བྲི་བ
16b7 འམ་གང་བར་མི་མངོན་ཞེས་བྱའོ། ། རབ་ཀྱི་རྩལ་གྱིས་རྣམ་པར་གནོན་པ། བྲི་བ་མེད་ཅིང་། གང་བ་མེད་པ་ཞེས་ཇི་སྐད་དུ་སྨྲ་བ་དེ་ནི། བརྟག་པ་ཡང་དག་པ་ཇི་ལྟ་བ
iiif viewer powered by OpenSeadragon
