| e-texts navigator |
| Wylie |
16a1 གྲོལ་བ་ཁམས་གསུམ་དུ་གྱུར་ན་ནི། སྲོག་ཀྱང་གཞན། ལུས་ཀྱང་གཞན་དུ་འགྱུར་རོ།། ཁམས་མེད་པ་ནི་སེམས་ཅན་གྱི་ཁམས་ཏེ། བརྡས་ཐ་སྙད
16a2 དུ་གདགས་པའི་ཚིག་ཏུ་འགྲོའོ། ། སེམས་ཅན་གྱི་ཁམས་ལ་ནི་ཁམས་མེད་དེ། ཁམས་མ་རྟོགས་པས་སེམས་ཅན་གྱི་ཁམས་མེད་དོ།། ཆོས་ཐམས་ཅད་ནི་ཁམས་མེད་པ་སྟེ།
16a3 ངས་དེ་ལ་དགོངས་ནས། སེམས་ཅན་གྱི་ཁམས་ནི་གང་བ་འམ། བྲི་བར་ཡང་མི་མངོན་ནོ་ཞེས་བཤད་དོ།། དེ་ཅིའི་ཕྱིར་ཞེ་ན། སེམས་ཅན་གྱི་ཁམས་རབ་ཏུ་དབེན་པའི་ཕྱིར།
16a4 སེམས་ཅན་གྱི་ཁམས་ནི་སེམས་ཅན་མ་ཡིན་ནོ།། ཇི་ལྟར་སེམས་ཅན་གྱི་ཁམས་བྲི་བ་དང་གང་བར་མི་མངོན་པ་བཞིན་དུ། ཆོས་ཐམས་ཅད་ཀྱང་བྲི་བ་འམ། གང་བར་མི་མངོན
16a5 ནོ། གང་དག་བྲི་བ་འམ། གང་བར་འགྱུར་བར་ཆོས་ཐམས་ཅད་ལ་ཡོངས་སུ་གྲུབ་པ་གང་ཡང་མེད་དེ། གང་གིས་དེ་ལྟར་ཆོས་ཐམས་ཅད་ཁོང་དུ་ཆུད་པ་དེ་ནི། སངས
16a6 རྒྱས་ཀྱི་ཆོས་ཁོང་དུ་ཆུད་པ་ཞེས་བྱ་སྟེ། ངས་འདི་ལ་དགོངས་ནས། ཇི་ལྟར་སེམས་ཅན་གྱི་ཁམས་བྲི་བ་འམ། གང་བར་མི་མངོན་པ་དེ་བཞིན་དུ། ཆོས་ཐམས
16a7 ཅད་ཀྱང་བྲི་བ་འམ། གང་བར་མི་མངོན་ནོ་ཞེས་བྱ་བ་བཤད་དོ།། གང་ཡང་ཡོངས་སུ་མ་གྲུབ་པའི་ཚུལ་གྱིས། ཆོས་ཐམས་ཅད་བྲི་བ་མ་ཡིན། གང་བ་མ་ཡིན་པ
iiif viewer powered by OpenSeadragon
