| e-texts navigator |
| Wylie |
15b1 མངོན་པར་མ་གྲུབ་པ་ནི་བྱང་ཆུབ་ཅེས་བྱའོ།། རྣམ་པར་མི་རྟོག་པ་དང་། རྟོག་པ་བཅད་པའི་ཕྱིར། གང་གིས་ཁོང་དུ་ཆུད་པ་དག་རབ་ཏུ་རྟོགས་པ་དེའི་ཕྱིར། བྱང་ཆུབ་སེམས
15b2 དཔའ་ཞེས་བྱ་སྟེ། འདི་སྐད་དུ་བརྗོད་པ་བཞིན་དུ་མ་ཡིན་ནོ།། དེ་ཅིའི་ཕྱིར་ཞེ་ན། སེམས་ཅན་མེད་པའི་ཕྱིར་རོ།། གལ་ཏེ་བྱང་ཆུབ་སེམས་དཔའ་ཡང་དག་པར་དམིགས་ན་ནི།།
15b3 འདི་ནི་བྱང་ཆུབ། འདི་ནི་སེམས་ཅན་ཞེས་བྱང་ཆུབ་དེའང་རྙེད་པར་འགྱུར་རོ།། སེམས་ཅན་མེད་པ་དང་། སེམས་ཅན་མ་ཡིན་པ་དང་། སེམས་ཅན་དང་བྲལ་བར་ཁོང་དུ་ཆུད་པ
15b4 ནི་བྱང་ཆུབ་སེམས་དཔའ་ཞེས་བྱའོ། ། སེམས་ཅན་མེད་པ་དང་། སེམས་ཅན་དུ་འདུ་ཤེས་རྣམ་པར་བཤིག་ནས། བྱང་ཆུབ་སེམས་དཔའ་ཞེས་བྱའོ།། དེ་ཅིའི་ཕྱིར་ཞེ་ན།
15b5 སེམས་ཅན་གྱི་ཁམས་ཤེས་བྱ་བ་དེ་ནི། སེམས་ཅན་མེད་པའི་ཚིག་བླ་དྭགས་སོ།། སེམས་ཅན་གྱི་ཁམས་མེད་པའི་ཕྱིར། སེམས་ཅན་ལ་སེམས་ཅན་མེད་དོ།། གལ་ཏེ
15b6 སེམས་ཅན་ལ་སེམས་ཅན་ཡོད་ན་ནི། སེམས་ཅན་གྱི་ཁམས་ཤེས་མི་བྱའོ།། སེམས་ཅན་གྱི་ཁམས་ཤེས་བྱ་བ་དེ་ནི། ཁམས་མེད་པར་བསྟན་ཏེ། ཁམས་མེད་པ་ནི
15b7 སེམས་ཅན་གྱི་ཁམས་སོ། ། གལ་ཏེ་སེམས་ཅན་གྱི་ཁམས་སེམས་ཅན་གྱི་ཁམས་སུ་གྱུར་ན་ནི། སྲོག་དེ་ལུས་དེ་ཡིན་པར་འགྱུར་རོ།། ཅི་སྟེ་སེམས་ཅན་གྱི་ཁམས་རྣམ་པར
iiif viewer powered by OpenSeadragon
