| e-texts navigator |
| Wylie |
14a1 ཏུ་ཕྱིན་པའི་ཚུ་རོལ་ལམ། ཕ་རོལ་བཤད་པ་ཞིག་ན། རབ་ཀྱི་རྩལ་གྱིས་རྣམ་པར་གནོན་པ། ཤེས་རབ་ཀྱི་ཕ་རོལ་ཏུ་ཕྱིན་པའི་ཚུ་རོལ་མི་དམིགས་པས། དེའི
14a2 ཕྱིར་དེའི་ཕ་རོལ་ཀྱང་མེད་མོད་ཀྱི། འོན་ཀྱང་རབ་ཀྱི་རྩལ་གྱིས་རྣམ་པར་གནོན་པ། ཤེས་རབ་ཀྱི་ཕ་རོལ་ཏུ་ཕྱིན་པ་ཞེས་བྱ་བ་དེ་ནི་ཆོས་ཐམས་ཅད་ཀྱི་ཕ་རོལ་ལོ།། དེའི་ཕྱིར་ཤེས་རབ་ཀྱི་ཕ་རོལ
14a3 ཏུ་ཕྱིན་པ་ཞེས་བྱ་སྟེ། ཇི་སྐད་དུ་བརྗོད་པ་བཞིན་དུ་ནི་མ་ཡིན་ནོ།། རབ་ཀྱི་རྩལ་གྱིས་རྣམ་པར་གནོན་པ། ཤེས་རབ་ཀྱི་ཕ་རོལ་ཏུ་ཕྱིན་པ་ནི་ཚིག་དང་ལས་ཀྱིས་ཉེ་བར་གནས་པ་མ་ཡིན
14a4 ཏེཤེས་རབ་ཀྱི་ཕ་རོལ་ཏུ་ཕྱིན་པ་ནི་བསྟན་དུ་མེད་པའོ། ། ཆོས་ཐམས་ཅད་དེ་ལྟར་ཁོང་དུ་ཆུད་ན། དེ་ནི་ཇི་ལྟ་བ་བཞིན་དུ་ཁོང་དུ་ཆུད་དེ་མི་འགལ་ལོ།། དེ་ཅིའི་ཕྱིར་ཞེ་ན། དེ་ལ
14a5 ཁོང་དུ་ཆུད་པ་ཅིའང་མེད་ཅིང་། རབ་ཏུ་རྟོགས་པའང་མེད་པའི་ཕྱིར་རོ།། ཁོང་དུ་ཆུད་པ་དང་། རབ་ཏུ་རྟོགས་པ་མཉམ་པ་ཉིད་ནི་བྱང་ཆུབ་སྟེ། ཆོས་ཐམས་ཅད་ཁོང་དུ་ཆུད་པ་ནི་བྱང
14a6 ཆུབ་ཅེས་བྱའོ། ། ཇི་ལྟར་ཆོས་ཐམས་ཅད་ཁོང་དུ་ཆུད་ཅེ་ན། འདི་ལ་བྱང་ཆུབ་གང་ཡང་མེད། འདི་ཁོང་དུ་ཆུད་པ་གང་ཡང་མེད་དེ། དེ་ཅིའི་ཕྱིར་ཞེ་ན། རབ་ཀྱི་རྩལ་གྱིས་རྣམ
14a7 པར་གནོན་པ། གལ་ཏེ་བྱང་ཆུབ་དམིགས་ན་ནི། བྱང་ཆུབ་ལའང་བྱང་ཆུབ་དམིགས་པར་འགྱུར་རོ།། རབ་ཀྱི་རྩལ་གྱིས་རྣམ་པར་གནོན་པ། བྱང་ཆུབ་ལ་ནི་བྱང་ཆུབ་མེད་དེ།
iiif viewer powered by OpenSeadragon
