| e-texts navigator |
| Wylie |
136b1 ཀྱི་བུ་འམ། རིགས་ཀྱི་བུ་མོ་གང་ཆོས་ཀྱི་རྣམ་གྲངས་འདི་འཛིན་པ་དང་། འཆང་བ་དང་། ཀློག་པ་དང་། གཞན་དག་ལའང་རྒྱ་ཆེར་ཡང་དག་པར་རབ་ཏུ་བསྟན་པ་དེ་དག་ནི། བདུད
136b2 སྡིག་ཅན་རྣམས་ཀྱི་སྤྱོད་ཡུལ་དུ་མི་འགྱུར་ཏེ། རིགས་ཀྱི་བུ་འམ། རིགས་ཀྱི་བུ་མོ་དེ་དག་ནི། བདུད་སྡིག་ཅན་རྣམས་ཀྱིས་མི་ཚུགས་པར་འགྱུར་རོ།། གང་དག་ཆོས་ཀྱི་རྣམ་གྲངས་འདི
136b3 འཛིན་པ་དང་། འཆང་བ་དང་། ཀློག་པ་དང་། གཞན་དག་ལའང་རྒྱ་ཆེར་ཡང་དག་པར་རབ་ཏུ་སྟོན་པ་དེ་དག་ནི། བདུད་དང་ཕྱིར་རྒོལ་བ་ཚོམས་པར་འགྱུར། གཡུལ་ལས་རྒྱལ
136b4 བར་འགྱུར་རོ། ། རབ་ཀྱི་རྩལ་གྱིས་རྣམ་པར་གནོན་པ། ཆོས་ཀྱི་རྣམ་གྲངས་འདི་ནི་ཀུན་ནས་ཉོན་མོངས་པ་ཅན་དང་། བདུད་ཀྱི་ཞགས་པས་བཅིངས་པའི་སེམས་ཅན་རྣམས་ཀྱི་ལག
136b5 ཏུ་འགྲོ་བར་མི་འགྱུར་ཏེ། རབ་ཀྱི་རྩལ་གྱིས་རྣམ་པར་གནོན་པ། འདི་ནི་ཅང་ཤེས་པ་རྣམས་ཀྱི་ས་ཡིན་གྱི། ཅང་མི་ཤེས་པ་རྣམས་ཀྱི་ས་ནི་མ་ཡིན་ནོ།། རབ་ཀྱི་རྩལ་གྱིས་རྣམ་པར
136b6 གནོན་པ། འདི་ལྟ་སྟེ། དཔེར་ན་གླང་པོ་ཆེ་ཅང་ཤེས་དང་། རྟ་ཅང་ཤེས་གང་ཡིན་པ་དེ་དག་ནི། ཁམས་ཀྱི་རྒྱལ་པོ་རྣམས་ཀྱི་ཡོངས་སུ་སྤྱོད་པ་མི་བྱེད་དོ།། དེ་དག་ནི་སྐྱེ་བོ་གཏུམ་པོ
136b7 རྣམས་ཀྱིས་མཐོང་བར་ཡང་མི་འགྲོའོ། ། རབ་ཀྱི་རྩལ་གྱིས་རྣམ་པར་གནོན་པ། གླང་པོ་ཆེ་ཅང་ཤེས་དང་། རྟ་ཅང་ཤེས་དེ་ལྟ་བུ་ནི། འཁོར་ལོ་སྒྱུར་བའི་རྒྱལ་པོས་མཐོང་བར་ཉེ་བར་འགྲོ
iiif viewer powered by OpenSeadragon
