| e-texts navigator |
| Wylie |
134a1 མེད་པ་ཞེས་བྱའོ། ། གང་ཆགས་པ་མེད་ཅིང་རྟོག་པ་མེད་པ་དེ་ལ་རྣམ་པར་གྲོལ་བ་ག་ལ་ཡོད། གང་ཆགས་པར་མི་འགྱུར། འཆིང་བར་མི་འགྱུར་བ་ནི། གྲོལ
134a2 བ་བྲལ་བ། བསིལ་བར་གྱུར་པ། རབ་ཏུ་རྣམ་པར་གྲོལ་བ་སྟེ། དེ་ལ་ནི་ཕྱིར་ཡང་རྟོག་པར་བྱ་བ་གང་ཡང་མེད་པས། དེའི་ཕྱིར་གྲོལ་བ་ཞེས་བྱ་སྟེ། དེ་ལ་ཐར་པའང་མེད
134a3 དོ། རབ་ཀྱི་རྩལ་གྱིས་རྣམ་པར་གནོན་པ། འདི་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་བྱང་ཆུབ་སེམས་དཔའ་ཆོས་ཐམས་ཅད་མ་ཆགས་མ་བཅིངས་མ་གྲོལ་བའི་ཡེ་ཤེས་མཐོང
134a4 བ་ལ་འཇུག་པའོ། ། རབ་ཀྱི་རྩལ་གྱིས་རྣམ་པར་གནོན་པ། དེ་ལྟར་བྱང་ཆུབ་སེམས་དཔའ་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་ཉེ་བར་འགྱུར་རོ།། མྱུར་དུ་ཐམས་ཅད
134a5 མཁྱེན་པའི་ཡེ་ཤེས་ཐོབ་པར་འགྱུར་རོ། ། རབ་ཀྱི་རྩལ་གྱིས་རྣམ་པར་གནོན་པ། ཤེས་རབ་ཀྱི་ཕ་རོལ་ཏུ་ཕྱིན་པ་ལ་བརྩོན་པ། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་བྱང་ཆུབ
134a6 སེམས་དཔའ་ཐམས་ཅད་ཀྱི་ཐེ་ཙོམ་གཅོད་པའི་ཕྱིར་ངས་ཕྱག་རྒྱ་འདི་བཞག་གོ། རབ་ཀྱི་རྩལ་གྱིས་རྣམ་པར་གནོན་པ། ཕྱི་མའི་ཚེ་ཕྱི་མའི་དུས་ལྔ་བརྒྱ་པ་ཐ་མ་ལ་ངའི་ཉན་ཐོས་རྣམས
134a7 ཤེས་རབ་ཀྱི་ཕ་རོལ་ཏུ་ཕྱིན་པ་འདི་འཛིན་མི་ནུས་པའི་ཕྱིར། ངས་ཕྱག་རྒྱ་འདི་བསྟན་ཅིང་བྱིན་གྱིས་བརླབས་སོ།། དེ་ནས་བཅོམ་ལྡན་འདས་ཀྱིས། བཟང་སྐྱོང་དང
iiif viewer powered by OpenSeadragon
