| e-texts navigator |
| Wylie |
133b1 མཐོང་བའང་མ་ཆགས་མ་བཅིངས་མ་གྲོལ་བའོ། ། དེ་ཅིའི་ཕྱིར་ཞེ་ན། རབ་ཀྱི་རྩལ་གྱིས་རྣམ་པར་གནོན་པ། ཆོས་ཐམས་ཅད་ལ་བཅིངས་པ་མི་དམིགས་པས། ཆོས་ཐམས
133b2 ཅད་ནི་ཆགས་པ་མེད་ཅིང་བཅིངས་པ་མེད་དོ། ། དེ་ཅིའི་ཕྱིར། དེ་དག་གི་གྲོལ་བ་མི་དམིགས་སོ།། རབ་ཀྱི་རྩལ་གྱིས་རྣམ་པར་གནོན་པ། ཆགས་པ་མེད་ཅེས་བྱ་བ་ནི། དེ་དག
133b3 ལ་གྲོལ་བ་གང་ཡང་མེད་མོད་ཀྱི། འོན་ཀྱང་གང་དེ་ལྟར་ཆོས་རྣམས་མཐོང་བ་ནི། ཆགས་པ་མེད་པའི་ཡེ་ཤེས་མཐོང་བ་ཞེས་བྱའོ།། རབ་ཀྱི་རྩལ་གྱིས་རྣམ་པར་གནོན་པ། མི
133b4 ཆགས་ཤེས་བྱ་བ་ནི། ཆགས་པ་མི་དམིགས་ཤིང་། ཆགས་པ་མེད་ལ། ཆགས་པ་ཡང་དག་པ་མ་ཡིན་པའི་ཕྱིར། ཆགས་པ་མེད་པ་ཞེས་བྱ་སྟེ། དེ་ལ་ནི་གང་ཆགས
133b5 པར་འགྱུར་བ་འམ། འཆིང་བར་འགྱུར་བ་ཅིའང་མི་དམིགས་སོ།། གང་གི་ཕྱིར་གང་ཆགས་པར་འགྱུར་བ་དང་། འཆིང་བར་འགྱུར་བ་མི་དམིགས་པ་དེའི་ཕྱིར། མི་ཆགས་པ
133b6 ཞེས་བྱའོ། ། རབ་ཀྱི་རྩལ་གྱིས་རྣམ་པར་གནོན་པ། རྟོག་པ་མེད་པ་ཞེས་བྱ་བ་ནི། རྟོགས་པ་མི་དམིགས་ཤིང་། རྟོགས་པ་ཡོད་པ་མ་ཡིན་པའི་ཕྱིར། རྟོགས་པ་མེད
133b7 པ་ཞེས་བྱ་སྟེ། དེ་ལ་ནི་རྟོགས་པར་འགྱུར་བ་ཅིའང་མེད་དོ།། དེ་ལ་གང་རྟོགས་པ་ཅིའང་མི་དམིགས་ཏེ། གང་ཕྱིར་གང་རྟོགས་པ་མི་དམིགས་པ་དེའི་ཕྱིར། རྟོགས་པ
iiif viewer powered by OpenSeadragon
