| e-texts navigator |
| Wylie |
133a1 འགོག་པ་དང་། ལམ་ཡང་མ་ཆགས་མ་བཅིངས་མ་གྲོལ་བའོ།། དྲན་པ་ཉེ་བར་གཞག་པ་དང་། ཡང་དག་པར་སྤོང་བ་དང་། རྫུ་འཕྲུལ་གྱི་རྐང་པ་དང་།
133a2 ཚད་མེད་པ་དང་། ཕྱིན་ཅི་ལོག་པའང་མ་ཆགས་མ་བཅིངས་མ་གྲོལ་བའོ།། དབང་པོ་དང་། སྟོབས་དང་། བྱང་ཆུབ་ཀྱི་ཡན་ལག་དང་། ཏིང་ངེ་འཛིན་དང་། སྙོམས་པར
133a3 འཇུག་པའང་མ་ཆགས་མ་བཅིངས་མ་གྲོལ་བའོ། ། ས་དང་། ཆུ་དང་། མེ་དང་། རླུང་དང་། ནམ་མཁའ་དང་། རྣམ་པར་ཤེས་པའི་ཁམས་ཀྱང་མ་ཆགས་མ་བཅིངས
133a4 མ་གྲོལ་བའོ། ། མི་སྐྱེ་བ་དང་། ཟད་པ་དང་། མངོན་པར་འདུ་མི་བྱེད་པ་ཤེས་པའང་མ་ཆགས་མ་བཅིངས་མ་གྲོལ་བའོ།། རིག་པ་དང་། རྣམ་པར་གྲོལ་བའང་མ་ཆགས
133a5 མ་བཅིངས་མ་གྲོལ་བའོ། ། མངོན་པར་ཤེས་པའང་མ་ཆགས་མ་བཅིངས་མ་གྲོལ་བའོ།། རྣམ་པར་གྲོལ་བའི་ཡེ་ཤེས་མཐོང་བའང་མ་ཆགས་མ་བཅིངས་མ་གྲོལ་བའོ།། སོ་སོའི་སྐྱེ
133a6 བོ་དང་། ཉན་ཐོས་དང་། རང་སངས་རྒྱས་ཀྱི་ཆོས་ཀྱང་མ་ཆགས་མ་བཅིངས་མ་གྲོལ་བའོ།། མྱ་ངན་ལས་འདས་པའང་མ་ཆགས་མ་བཅིངས་མ་གྲོལ་བའོ།། སངས་རྒྱས་ཀྱི
133a7 ཡེ་ཤེས་དང་། སྟོབས་དང་། མི་འཇིགས་པའང་མ་ཆགས་མ་བཅིངས་མ་གྲོལ་བའོ།། འདས་པ་དང་། མ་འོངས་པ་དང་། ད་ལྟར་བྱུང་བ་ལ་ཐོགས་པ་མེད་པའི་ཡེ་ཤེས
iiif viewer powered by OpenSeadragon
